រដ្ឋបាលខេត្តកោះកុង

Koh Kong Provincial Administration
ស្វែងរក

ក្របខ័ណ្ឌអភិវឌ្ឍន៍ខេត្ត

ទិដ្ឋភាពទូទៅ

ខេត្តកោះកុង ជាខេត្តមួយក្នុងចំណោមរាជធានី ខេត្ត ទាំង២៥ នៃព្រះរាជាណាចក្រកម្ពុជា ដោយមានព្រំប្រទល់ខាងកើតជាប់ខេត្តព្រះសីហនុ និងកំពង់ស្ពឺ ខាងលិចនិងខាងត្បូងជាប់នឹងឈូងសមុទ្រ នៃព្រះរាជាណាចក្រថៃឡងដ៌ ខាងជើងជាប់នឹងខេត្តពោធិ៍សាត់។ ខេត្តកោះកុងមានស្រុកចំនួន ៦ និងក្រុង ១ មានឃុំចំនួន ២៦ សង្កាត់ចំនួន ៣ និងមានភូមិចំនួន ១១៩ ភូមិ។

ខេត្តកោះកុង មានផ្ទៃដីសរុបចំនួន ១០,០៤៥.៥៨ គីឡូម៉ែត្រការ៉េ ចំនួនគ្រួសារសរុប ២៩,១៩៩ មានប្រជាជនសរុប ១៣៣,៣៨៦ នាក់ ក្នុងនោះស្រ្តីមានចំនួន ៦៦,៤៧១ នាក់ និងមានដង់ស៊ីតេប្រជាជន ១២ នាក់/ គីឡូម៉ែត្រការ៉េ អត្រាភាពក្រីក្រប្រចាំឆ្នាំស្ថិតក្នុងរង្វង់ ១៣,១៨ %។ ប្រជាជនប្រមាណ ៦០,៦% ជាកសិករ រស់នៅពឹងផ្អែកលើវិស័យកសិកម្ម ដែលជាវិស័យចម្បង ក្នុងការទ្រទ្រង់ជីវភាពរស់នៅប្រចាំថ្ងៃ។ ក្រៅពីវិស័យកសិកម្ម នៅមានវិស័យផ្សេងៗទៀត ដូចជាវិស័យឧស្សាហកម្ម ១,២០% និងវិស័យសេវាកម្ម ៣៨,២% ដែលជាមូលដ្ឋានបង្កើតការងារជូនប្រជាពលរដ្ឋ(ប្រភពទិន្នន័យសេដ្ឋកិច្ច សង្គមកិច្ច ឃុំ សង្កាត់ ឆ្នាំ២០១៨)

https://www.kohkong.gov.kh/2020/73653/
https://www.kohkong.gov.kh/2020/73656/
https://www.kohkong.gov.kh/2020/73660/