លោកជំទាវ មិថុនា ភូថង ប្រធានគណៈកម្មាធិការសាខា បានចាត់អោយក្រុមការងារទទួលបន្ទុកសុខភាពសាខា សហការជាមួយក្រុមគ្រូពេទ្យផ្នែកសម្ភព នៃមន្ទីរពេទ្យខេត្តកោះកុង អញ្ជើញចុះសួរសុខទុក្ខ និងនាំយកអំណោយ មនុស្សធម៌ផ្តល់ជូនស្ត្រីទើប នឹងសម្រាលបានកូនភ្លោះ២នាក់(ស្រីទាំង២នាក់) ឈ្មោះ ម៉ម រង អាយុ៣៩ ឆ្នាំរស់នៅភូមិកោះស្រឡៅ ឃុំកោះកាពិ ស្រុកកោះកុង ខេត្តកោះកុង បច្ចុប្បន្នកំពុងសម្រាក នៅមន្ទីរពេទ្យខេត្តកោះកុង ។

នាឱកាសនោះក្រុមការងារ បាន​ពាំនាំនូវ​ប្រសាសន៍ផ្ដាំផ្ញើសួរសុខទុក្ខពីលោកជំទាវ មិថុនា ភូថង ប្រធានគណៈកម្មាធិការសាខា កក្រក​ ខេត្តកោះកុង​ ពិសេស​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយក​ចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ពិសេសស្ត្រីដែលទើបនឹងសម្រាលកូនថ្មីៗ ជួបការលំបាកដូចពេលនេះ ដោយ មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ។

អំណោយដែលសាខាផ្តល់ជូនរួមមាន ៖
មីម៉ាម៉ា១កេស ទឹកដោះគោឆៅ២ឡូ ទឹកដោះគោខាប់២កំប៉ុង ឃីតទារក១ឈុត អាវយឺត៤អាវ ទឹកបរិសុទ្ធឱរ៉ាល់១កេស ខោទឹកនោម២០ខោ ព្រមទាំងថវិកា ១០០.០០០រៀល ។