នាព្រឹកថ្ងៃពុធ ១០ រោច ខែផល្គុន ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៨ ខែមីនា ឆ្នាំ២០២០ រដ្ឋបាលក្រុងខេមរភូមិន្ទ បានបើកកិច្ចប្រជុំ វិសាមញ្ញលើកទី០២ អាណត្តិទី០៣ របស់ក្រុមប្រឹក្សាក្រុងខេមរភូមិន្ទ ក្រោមអធិបតីភាព លោក កុក សំអាន ប្រធានក្រុមប្រឹក្សាក្រុងខេមរភូមិន្ទ ដែលរៀបចំធ្វើឡើងនៅសាលប្រជុំសាលាក្រុងខេមរភូមិន្ទ ដោយមានរបៀបវារៈដូចខាងក្រោម ៖ ១./ ពិនិត្យ ពិភាក្សា និងអនុម័តលើសេចក្តីព្រាងផែនការអភិវឌ្ឍន៍រយៈពេល ០៥ឆ្នាំ (២០២០ – ២០២៤) របស់រដ្ឋបាលក្រុងខេមរភូមិន្ទ ២./ ពិនិត្យ ពិភាក្សា និងអនុម័តលើសេចក្តីព្រាង កម្មវិធីវិនិយោគ ០៣ឆ្នាំរំកិល (២០២០ – ២០២២) របស់រដ្ឋបាលក្រុងខេមរភូមិន្ទ ៣./ ពិនិត្យ ពិភាក្សា និងអនុម័តលើសេចក្តីព្រាង ផែនការលទ្ធកម្ម ប្រចាំឆ្នាំ២០២០ របស់រដ្ឋបាលក្រុងខេមរភូមិន្ទ ។