លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជួបសំណេះសំណាលសួរសុខទុក្ខ​ ជាមួយយោធិន នៃកងឯកភាព សម្ព័ន្ធមេត្រីភាព​ នៅតំបន់ប្រតិបត្តិការសឹករងកោះកុង​ ក្នុងឱកាសបុណ្យចូលឆ្នាំថ្មីប្រពៃណីខ្មែរ​ ដែល​នឹង​ឈាន​ចូលនាពេលខាងមុខ នៅទីបញ្ជាការផ្នែកសឹករងមណ្ឌលសីមា។

នាឱកាសបុណ្យចូលឆ្នាំថ្មីប្រពៃណីខ្មែរដែលនឹងជិតចូលមកដល់នៅប៉ុន្មានថ្ងៃខាងមុខនេះ លោកជំទាវបានឆ្លៀតឱកាសដ៍មមារញឹកចុះសួរសុខទុក្ខកងកម្លាំងដល់កន្លែងឈរជើងតែម្តង។ សូមជម្រាបផងដែរថា ថ្នាក់ដឹកនាំខេត្តតែងតែចុះសួរសុខទុក្ខដល់កងកម្លាំងយើងជារៀងរាល់ឆ្នាំ។ ជាក់ស្តែងក្នុងឆ្នាំនេះ ថ្នាក់ដឹកនាំខេត្ត លោកជំទាវអភិបាលខេត្ត បានចុះសួសុខទុក្ខ និងនាំយកនូវថវិកា ឧបភោគបរិភោគមួយចំនួនទៅប្រគល់ជូនដល់ផ្នែកសឹករងមណ្ឌលសីមា ខេត្តកោះកុង ជាច្រើនច្រើនផងដែរ។