ព្រឹកថ្ងៃព្រហស្បតិ៍ ០៩កេីត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី៣០ ខែមេសា ឆ្នាំ២០២០ : លោក កុក សំអាន ប្រធានក្រុមប្រឹក្សាក្រុងខេមរភូមិន្ទ បានដឹកនាំកិច្ចប្រជុំសាមញ្ញលេីកទី១១ អាណត្តិទី៣ របស់រដ្ឋបាលក្រុងខេមរភូមិន្ទ ដោយពិនិត្យ និងអនុម័តទៅលេីរបៀបវារ:ចំនួន៤ ដូចខាងក្រោម: ១/ពិនិត្យ និងអនុម័តសេចក្តីព្រាងកំណត់ហេតុ នៃកិច្ចប្រជុំសាមញ្ញលេីកទី១០ អាណត្តិទី៣ របស់ក្រុមប្រឹក្សាក្រុងខេមរភូមិន្ទ។ ២/ពិនិត្យ​ ពិភាក្សា និងអនុម័តសេចក្តីព្រាងរបាយការណ៍ស្តីពីការអនុវត្តការងាររបស់រដ្ឋបាលក្រុងខេមរភូមិន្ទសម្រាប់ខែមេសា ឆ្នាំ២០២០។ ៣/ពិនិត្យ​ ពិភាក្សា និងអនុម័តសេចក្តីព្រាងតារាងបែងចែកប្រាក់រង្វាន់លេីកទឹកចិត្តដែលបានមកពីការផ្តល់សេវារដ្ឋបាល សម្រាប់ឧបត្ថមម្ភជូនមន្ត្រី-បុគ្គលិកនៃរដ្ឋបាលក្រុងខេមរភូមិន្ទ ការិយាល័យជំនាញ មន្ទីរសេដ្ឋកិច្ច ក្រសួងមហាផ្ទៃ និងសង្កាត់ទាំងបីសម្រាប់ខែមេសា ឆ្នាំ២០២០។ ៤/បញ្ហាផ្សេងៗ។ កិច្ចប្រជុំនេះបានធ្វេីឡេីងនៅសាលប្រជុំនៃរដ្ឋបាលក្រុងខេមរភូមិន្ទ។

# ប្រភពពី : រដ្ឋបាលក្រុងខេមរភូមិន្ទ #