ឯកឧត្តម មុំ ម៉ាលិកា ទីប្រឹក្សាក្រសួងព័ត៌មាន ប្រធានមន្ទីរព័ត៌មានខេត្តកោះកុង និងលោកជំទាវ ឯកឧត្តម កែវ សេដ្ឋា ទីប្រឹក្សាក្រសួងព័ត៌មាន សមាជិកក្រុមប្រឹក្សាខេត្តកោះកុងនិងលោកជំទាវ នៅថ្ងៃទី ៤ និងទី៥ ខែកញ្ញា ឆ្នាំ២០២០ បានអញ្ជើញកាន់បិណ្ឌវេនទី៣ នៅវត្តសាគររាម ហៅវត្តពាមក្រសោប ស្ថិតនៅភូមិពាមក្រសោប ឃុំពាមក្រសោប ស្រុកមណ្ឌលសីមា ខេត្តកោះកុង។

ក្នុងពិធីកាន់បិណ្ឌទី៣នេះ មានការចូលរួមពីលោក លោកស្រី អនុប្រធានមន្ទីរ ប្រធាន អនុប្រធានការិយាល័យ និងមន្ត្រីរាជការនៃមន្ទីរព័ត៌មានខេត្តកោះកុង និងពុទ្ធបរិស័ទនៅភូមិខេងខូង និងអញ្ជើញមកពីទីជិតទីឆ្ងាយយ៉ាងច្រើនកុះករ ដើម្បីឧទ្ទិសកុសលដល់វិញ្ញាណក្ខន្ធជីដូនជីតា ញាតិការទាំងប្រាំពីរសណ្តានដែលបានចែកឋានទៅហើយនោះ និងទទូលយកមគ្គផលតាមសទ្ធាជ្រះថ្លារៀងៗខ្លួន។