លោក សុខ សុទ្ធី អភិបាលរងខេត្តកោះកុង បានអញ្ជើញដឹកនាំកិច្ចប្រជុំពាក់ព័ន្ធនឹងដីមានប័ណ្ណសម្គាល់សិទ្ធិកាន់កាប់របស់រដ្ឋបាលព្រៃឈើខេត្តកោះកុង

លោក សុខ សុទ្ធី អភិបាលរងខេត្តកោះកុង ដោយមានការអនុញ្ញាត និងណែនាំពីលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានដឹកនាំកិច្ចប្រជុំពាក់ព័ន្ធនឹងដីមានប័ណ្ណសម្គាល់សិទ្ធិកាន់កាប់របស់រដ្ឋបាលព្រៃឈើខេត្តកោះកុង ដែលកិច្ចប្រជុំនេះប្រព្រឹត្តទៅនៅសាលាខេត្តកោះកុង។ គោលបំណងនៃកិច្ចប្រជុំនេះ គឺដើម្បីពិនិត្យបញ្ជាក់អំពី PV នៃដីដែលមានប័ណ្ណសម្គាល់សិទ្ធិកាន់កាប់អចលនវត្ថុរបស់រដ្ឋបាលព្រៃឈើ ដែលទីតាំងដីនេះស្ថិតនៅខាងកើតផ្លូវសិរីកា ភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង៕