សាលាខេត្តកោះកុង៖ លោក អ៊ុក ភ័ក្ត្រា អភិបាលរងនៃគណៈអភិបាលខេត្តកោះកុង និងជាប្រធានក្រុមការងារការិយាល័យគ្រប់គ្រងតំបន់ឆ្នេរតាមបែបសមាហរណកម្ម បានដឹកនាំកិច្ចប្រជុំត្រួតពិនិត្យវឌ្ឍនភាពការងារដែលបានអនុវត្តកន្លងមក ដែលមានរបៀបវារៈធំៗចំនួន ៤ ដូចខាងក្រោម៖
- សេចក្តីព្រាងរបាយការណ៍សកម្មភាពរបស់ការិយាល័យគ្រប់គ្រងតំបន់ឆ្នេរតាមបែបសមាហរណកម្ម (២០១៦-២០១៩)
- សេចក្តីព្រាងយុទ្ធសាស្ត្រតំបន់ឆ្នេរខេត្តកោះកុង (Coastal Strategy)
- សេចក្តីព្រាងរបាយការណ៍ស្ថានភាពតំបន់ឆ្នេរខេត្តកោះកុង (State of the Coast reporting)
- សេចក្តីសម្រេចរួមស្តីពីការប្រតិភូកម្មការអនុវត្តសកម្មភាពញែក និងប្រមូលសំរាមតាមបែបសហគមន៍ នៅចំណុចផ្លូវភ្លោះ ភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង
លោក អ៊ុក ភ័ក្ត្រា ក៏បានថ្លែងសរសើរចំពោះការងារគ្រប់គ្រងតំបន់ឆ្នេរតាមបែបសមាហរណកម្មនេះ មានការរីកចម្រើនគួរឱ្យកត់សម្គាល់ និងបានទាក់ទាញនូវគម្រោងផ្នែកបរិស្ថាន និងការពង្រឹងសមត្ថភាពរបស់មន្ត្រីបានយ៉ាងច្រើនពីមួយឆ្នាំទៅមួយឆ្នាំ និងបានសំណូមពរឱ្យមន្ត្រីរាជការយើងខិតខំព្យាយាមបំពេញការងារ ដើម្បីការរីកចម្រើនរបស់ខេត្តទាំងអស់គ្នា៕
