លោកជំទាវ មិថុនា ភូថង ជួបសំណេះសំណាល ជាមួយគ្រួសារពលករដែលបានធ្វើចត្តាឡីស័កគ្រប់១៤ថ្ងៃ
ខេត្តកោះកុង៖ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង និងជាប្រធានសាខាកាបាទក្រហមកម្ពុជាខេត្តកោះកុង បានជួបសំណេះសំណាលជាមួយគ្រួសារពលករ ដែលត្រូវបញ្ជូនចេញទៅកាន់លំនៅឋានវិញ បន្ទាប់ពីបានធ្វើចត្តាឡីស័កគ្រប់១៤ថ្ងៃ។
ទន្ទឹមនេះ លោកជំទាវក៏សូមចូលរួមរំលែកទុក្ខ និងសោកស្តាយ ព្រមទាំងសុំការយោគយល់ចំពោះបងប្រុស និងកូនៗទាំង៣ ដែលបានបាត់បង់ភរិយា និងអ្នកម្តាយជាទីស្រឡាញ់ ព្រោះតែស្ថានភាពនៃការរីករាលដាលជំងឺកូវីដ-១៩ ធ្វើឱ្យគាត់ពុំអាចទៅចូលរួមបុណ្យសពនៅប្រទេសថៃបាន៕