ថ្ងៃព្រហស្បតិ៍ ៩កើត ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២០ ខែឧសភា ឆ្នាំ២០២១ 

ទីប្រឹក្សាផ្នែកត្រួតពិនិត្យ និងវាយតម្លៃ ព្រមទាំងប្រព័ន្ធព័ត៌មានសម្រាប់ការគ្រប់គ្រង អនុកម្មវិធី ASPIRE នៃមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បានចុះតាមដាន ពង្រឹងសមត្ថភាពដល់ភ្នាក់ងារផ្សព្វផ្សាយឃុំ នៅឃុំស្រែអំបិល ឃុំបឹងព្រាវ និងឃុំជីខលើ អំពីការវិធីសាស្ត្រចុះប្រមូលព័ត៌មាន និងការចុះចូលក្នុងប្រព័ន្ធ MIS។ ក្នុងការពង្រឹងសមត្ថភាពនេះ ក៏មានរួមបញ្ចូលការណែនាំពីការគ្រប់គ្រងទិន្នន័យរបស់ភ្នាក់ងារផ្សព្វផ្សាយឃុំ និងការអនុវត្តផ្ទាល់ចំពោះការបញ្ចូលទិន្នន័យទៅក្នុងប្រព័ន្ធតាមការអង្កេត និងលទ្ធផលអនុវត្តផ្ទាល់ ឃើញថាភ្នាក់ងារផ្សព្វផ្សាយឃុំ អាចប្រមូល និងបញ្ចូលទិន្នន័យបានល្អប្រសើរ ព្រមទាំងយល់ដឹងពីវិធីសាស្ត្រក្នុងការសម្ភាសន៍ប្រមូលទិន្នន័យ។

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង