០៣/មិថុនា/២០២១
========================
លោក ហាក់ ឡេង អភិបាល នៃគណៈអភិបាលស្រុកបូទុមសាគរ បានដឹកនាំក្រុមការងារស្រុក និងអាធរឃុំ ចុះសួរសុខទុក្ខ និងពិនិត្យស្ថានភាពជាក់ស្តែងរបស់ពុកម៉ែបងប្អូនប្រជាពលរដ្ឋក្រីក្រ ចាស់ជរាគ្មានទីពឹង នៅឃុំអណ្តូងទឹកចំនួន ៤គ្រួសារ និងឃុំកណ្តោលចំនួន០៥គ្រួសារ ដោយបានផ្តល់ថវិកាឧបត្ថម្ភចំនួន៥០,០០០រៀល ក្នុងមួយខែ ដែលបានមកពីការគៀងគរសប្បុរជន ដើម្បីង្កើតមូលនិធិសប្បុរសជនសម្រាប់ប្រជាពលរដ្ឋក្រីក្រ ចាស់ជរាគ្មានទីពឹង ។នៅក្នុងមូលដ្ឋាន ឃុំអណ្តូងទឹក និងឃុំកណ្តោល ស្រុកបូទុមសាគរ ខេត្តកោះកុង។
ក្នុងឱកាសនោះដែរលោក ហាក់ ឡេង អភិបាល នៃគណៈអភិបាល និងក្រុមកាងារ បានពាំនាំនូវប្រសាសន៍ផ្តាំ ផ្ញើសួរសុខទុក្ខ ដែលជានិច្ចជាកាលសម្តេច តែងតែគិតគូរអំពីសុខទុក្ខរបស់បង ប្អូនប្រជាពលរដ្ឋនៅគ្រប់ទីកន្លែង ដោយមិនមានការប្រកាន់ពូជសាសន៍ ពណ៌សម្បុរ និន្នាការនយោបាយអ្វីឡើយ។
ជាមួយគ្នានេះ លោកអភិបាល បានអំពាវនាវដល់បងប្អូន ប្រជាពលរដ្ឋទាំងអស់ ត្រូវមានការប្រុងប្រយ័ត្នខ្ពស់ ព្រមទាំងចេះសម្អាតអនាម័យជុំវិញខ្លួន ជាពិសេសត្រូវចេះការពារខ្លួន និង កាត់បន្ថយហានិភ័យពីការឆ្លង ពីជំងឺកូវីដ១៩ តាមការណែនាំរបស់រាជរដ្ឋាភិបាលនូវវិធានការ ៣កុំ ៣ការពារ និងសេចក្តីណែនាំផ្សេងៗ
របស់ក្រសួងសុខាភិបាល។
ប្រភពៈរដ្ឋបាលស្រុកបូទុមសាគរ
======================
ថ្ងៃព្រហស្បតិ៍ ៨ រោច ខែជេស្ឋ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី៣ ខែមិថុនា ឆ្នាំ២០២១
ថ្ងៃនេះ ជាថ្ងៃសីល
June 3, 2021
