កោះកុង៖ បេឡាជាតិអតីតយុទ្ធជន មានកិត្តិយសសូមគោរពជម្រាបជូនដំណឹងដល់អតីតយុទ្ធជន គ្រប់ប្រភេទ និងគ្រួសារអតីតយុទ្ធជន មេត្តាជ្រាបថាៈ ប្រាក់របបសន្តិសុខសង្គមលើកទី១ ប្រចាំខែកក្កដា ឆ្នាំ២០២១ នឹងត្រូវបានបើកផ្ដល់ជូនចំពោះអតីតយុទ្ធជន និងគ្រួសារអតីតយុទ្ធជន ដែលរស់នៅតាមបណ្ដារាជធានី/ខេត្តចាប់ពីថ្ងៃទី១៤ ខែកក្កដា ឆ្នាំ២០២១ វេលាម៉ោង ២ៈ០០នាទីរសៀលតទៅ តាមប្រព័ន្ធធនាគារ កាណាឌីយ៉ា ក.អ និង ធនាគារអេស៊ីលីដា ភីអិលស៊ីទូទាំងប្រទេស។ ចំពោះការបើកប្រាក់របបសន្តិសុខសង្គមខាងលើនេះ ត្រូវភ្ជាប់មកជាមួយ នូវសៀវភៅគណនី និងអត្តសញ្ញាណប័ណ្ណសញ្ជាតិខ្មែរ ឬកាតអេធីអឹម (ATM) នៅតាមទូរអេធីអឹម (ATM) របស់ធនាគារដៃគូខាងលើ នៅទូទាំងប្រទេស។
