រដ្ឋបាលខេត្តកោះកុង

Koh Kong Provincial Administration
ស្វែងរក

ចុះអនុវត្តការងារក្រោម គម្រោងគាំទ្រពង្រឹង និងបង្កើត ស.ក.ប.ទ ធ្វើការជួបប្រជុំជាមួយគណៈកម្មាធិការ ស.ក.ប.ទនៃ ប្រព័ន្ធធារា សាស្ត្រទំនប់ការ ពារទឹកប្រៃកណ្តោល នៃឃុំ កណ្តោល ស្រុកបុទុមសាគរ និងទំនប់ការពារទឹកប្រៃខ្លុង នៃឃុំស្រែអំបិល ស្រុកស្រែ អំបិល

កាលពីថ្ងៃចន្ទ ០៣ កើត ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១២ ខែកក្កដា ឆ្នាំ២០២១ លោកស្រី អុឹម ចិន្តា អនុប្រធានការិយាល័យអភិវឌ្ឍន៍សហគមន៍កសិករប្រើប្រាស់ទឹក នៃនាយកដ្ឋានសហគមន៍កសិករប្រើប្រាស់ទឹក ក្រសួងធនធានទឹក និងឧតុនិយម បានដឹកនាំក្រុមការងារ ដោយសហការជាមួយនឹងមន្ត្រីបច្ចេកទេស នៃមន្ទីរធនធានទឹក និងឧតុនិយមខេត្តកោះកុង ដែលដឹកនាំដោយលោក អៀវ វណ្ណារ៉ា អនុប្រធានមន្ទីរ ចុះអនុវត្តការងារក្រោម គម្រោងគាំទ្រពង្រឹង និងបង្កើត ស.ក.ប.ទ ធ្វើការជួបប្រជុំជាមួយគណៈកម្មាធិការ ស.ក.ប.ទ នៃប្រព័ន្ធធារាសាស្ត្រ ទំនប់ការពារទឹកប្រៃកណ្តោល នៃឃុំកណ្តោល ស្រុកបុទុមសាគរ និងទំនប់ការពារទឹកប្រៃខ្លុង នៃឃុំស្រែអំបិល ស្រុកស្រែអំបិល ដើម្បី៖ 

(១). ប្រជុំពិភាក្សាអំពីសកម្មភាពការងារ និងការរីកចម្រើនរបស់ ស.ក.ប.ទ/ទំនប់កណ្តោល និងខ្លុង

(២). ពិនិត្យ និងពន្យល់ណែនាំដល់គណៈកម្មាធិការ ស.ក.ប.ទ អំពីការអនុវត្តនូវសកម្មភាពការងារគ្រប់គ្រង និងថែទាំប្រព័ន្ធធារាសាស្ត្រ (O&M)។

(៣). ជម្រុញឲ្យមានការចុះប្រមូលភាគទានប្រើប្រាស់ប្រព័ន្ធធារាសាស្រ្តដើម្បីបានថវិកាសម្រាប់ទ្រទ្រង់ដល់កិច្ចដំណើរការរបស់ ស.ក.ប.ទ។

(៤). ពិភាក្សាអំពីបញ្ហាប្រឈម ដំណោះស្រាយ និងសំណូមពរផ្សេងៗរបស់គណៈកម្មាធិការ ស.ក.ប.ទ ។

(៥). ចុះពិនិត្យស្ថានភាពទូទៅនៃប្រព័ន្ធធារាសាស្ត្រ ទំនប់ការពារទឹកប្រៃកណ្តោល និងទំនប់ការពារទឹកប្រៃខ្លុង

អត្ថបទទាក់ទង