រដ្ឋបាលខេត្តកោះកុង

Koh Kong Provincial Administration
ស្វែងរក

លោក ហាក់ ឡេង អភិបាល នៃគណៈអភិបាលស្រុក លោក លោកស្រី អភិបាលរង បានដឹកនាំក្រុមការងារស្រុក បានសហការជាមណ្ឌលសុខភាព និងអាជ្ញាធរឃុំ បានអញ្ជើញចុះសួរសុខទុក្ខ អ្នកជំងឺ ដែលកំពុងសំរាកព្យាបាល នៅមណ្ឌលព្យាបាលកម្រិតស្រាល និងមធ្យម នៅវិទ្យាល័យបុទុមសាគរ

១៥/កក្កដា/២០២១ 

=====================

លោក ហាក់ ឡេង អភិបាល នៃគណៈអភិបាលស្រុក លោក លោកស្រី អភិបាលរង បានដឹកនាំក្រុមការងារស្រុក បានសហការជាមណ្ឌលសុខភាព និងអាជ្ញាធរឃុំ បានអញ្ជើញចុះសួរសុខទុក្ខ អ្នកជំងឺ  ដែលកំពុងសំរាកព្យាបាល នៅមណ្ឌលព្យាបាលកម្រិតស្រាលនិងមធ្យម នៅវិទ្យាល័យបុទុមសាគរ និងបាននាំយកទឹកដោះគោឆៅជូន ១ នាក់ ១យួរផងដែរ ។

 ឆ្លៀតក្នងនាឱកាសនោះ លោកអភិបាលនៃគណៈអភិបាលស្រុកបូទុមសាគរ និងក្រុមការងារស្រុក បានពាំនាំប្រសាសន៍ របស់លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង ដែលផ្តាំផ្ញើសួរសុខទុក្ខដល់បងប្អូន ប្រជាពលរដ្ឋ ដែលកំពុងសម្រាកព្យាបាល និងសូមកុំអោយមានការព្រួយបារម្ភ ព្រោះថ្នាក់ដឹកនាំមិនទុកបងប្អូន ប្រជាពលរដ្ឋចោលនោះទេ និងសូមលើកទឹកចិត្តឱ្យថែទាំសុខភាព ឱ្យបានល្អ  រក្សាអនាម័យ ជាពិសេសត្រូវមានស្មារតីរឹងប៉ឹង  ត្រូវខិតខំតស៊ូអោយឆាប់ជាសះស្បើយ។

ជាពិសេសអនុវត្តនូវអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សារអប់រំនានារបស់ក្រសួងសុខាភិបាលស្តីពីវិធានការការពារ ជំងឺកូវីដ១៩ រួមមាន (រស់នៅធម្មតា តាមបែបគន្លងថ្មី) និង

" ៣កុំ ៣ការពារ ២ចូលរួម"៖

- ៣ការពារ ៖លាងដៃ ពាក់ម៉ាស់ រក្សាគម្លាត ។

- ៣កុំ ៖ កុំទៅកន្លែងមនុស្សច្រើន កុំនៅកន្លែងបិទជិត កុំប៉ះពាល់គ្នា”។

ប្រភពៈរដ្ឋបាលស្រុកបូទុមសាគរ

======================

ថ្ងៃព្រហស្បតិ៍ ៦ កើត ខែទុតិយាសាឍ ឆ្នាំឆ្លូវ

ត្រីស័ក ពុទ្ធសករាជ ២៥៦៥

ត្រូវនឹងថ្ងៃទី១៥ ខែកក្កដា ឆ្នាំ២០២១

July 15, 2021

អត្ថបទទាក់ទង