ថ្ងៃទី១៦ ខែកក្កដា ឆ្នាំ២០២១ លោក ជា ច័ន្ទកញ្ញា អភិបាល នៃគណៈអភិបាលស្រុក បានអញ្ជើញចុះត្រួតពិនិត្យកម្លាំងគណៈបញ្ជាការឯកភាពរដ្ឋបាលស្រុក ដែលសហការជាមួយកម្លាំងអន្ដរគមន៍ នៃស្នងការនគរបាលខេត្តកោះកុង អាជ្ញាធរឃុំ និងកម្លាំងប្រជាការពារ អនុវត្តសេចក្ដីសម្រេចលេខ ០៩៦/២១ ស.ស.រ របស់រដ្ឋបាលខេត្តកោះកុង ស្ដីពីការអនុវត្តវិធានការរដ្ឋបាលជាបណ្ដោះអាសន្ន ដើម្បីប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ ក្នុងភូមិសាស្ត្រស្រុកស្រែអំបិល ខេត្តកោះកុង នៅគោលដៅវង្វង់មូលស្រែអំបិល ហាមមិនឲ្យមានការជួបជុំគ្នា និងបំរាមគោចរដោយគ្មានការចាំបាច់ នៅចន្លោះម៉ោង ៩:០០ នាទីយប់ ដល់ម៉ោង ៤:០០ នាទីទៀបភ្លឺ។
ប្រភពៈ វឿន រិទ្ធី
