ថ្ងៃសៅរ៍ ១៣ កើត ខែស្រាពណ៏ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២១ ខែសីហា ឆ្នាំ២០២១ វេលាម៉ោង ៩:០០ នាទីព្រឹក ដោយបានការចាត់តាំងពីលោក ឈេង សុវណ្ណដាអភិបាល នៃគណ:អភិបាលក្រុងខេមរភូមិន្ទ លោក ឈឹម ចិន អភិបាលរងក្រុង រួមជាមួយអាជ្ញាធរភូមិ សង្កាត់កងកម្លាំងមានសមត្ថកិច្ចរបស់រដ្ឋបាលក្រុង និងការិយាល័យសណ្តាប់ធ្នាប់ស្នងការនគរបាលខេត្ត បានចូលរួមសហការជាមួយមន្ទីរសុខាភិបាលខេត្ត ចុះពិនិត្យយកសំណាកអាជីវករក្នុងផ្សារដងទង់ និងជុំវិញបរិវេណផ្សារដងទង់ ដើម្បីដាក់ឲ្យដំណើរការផ្សារឡើងវិញ។
+ជាលទ្ធផលក្រុមគ្រូពេទ្យពិនិត្យអាជីវករសរុបបាន ៣៨៤ នាក់ ស្រី ២៧៥ នាក់ និងបានរកឃើញអាជីវករមានវិជ្ជមាន ០១ នាក់ ភេទស្រី អាយុ ៣២ ឆ្នាំ រស់នៅភូមិ ៤ សង្កាត់ដងទង់ ក្រុងខេមរភូមិន្ទ ជាអ្នកលក់គ្រឿងសមុទ្រ។ បច្ចុប្បន្នស្ត្រីមានវិជ្ជមានកូវីត-១៩ ត្រូវបានក្រុមគ្រូពេទ្យយកទៅព្យាបាលនៅមណ្ឌលព្យាបាលវិទ្យាល័យកោះកុង ចំពោះក្រុមគ្រួសារ អាជ្ញាធរ និងកងកម្លាំងមានសមត្ថកិច្ចបានយកមកពិនិត្យសំណាក់ ជាលទ្ធផលអវិជ្ជមានហើយក្រុមគ្រូពេទ្យបានអនុញ្ញាតឲ្យពួកគាត់ទៅធ្វើចត្តាឡីស័ក នៅតាមផ្ទះរបស់គាត់វិញ។

#សូមចូលរួមអនុវត្ត បីកុំ បីការពារ ទាំងអស់គ្នា។

#ប្រភពពីរដ្ឋបាលក្រុងខេមរភូមិន្ទ#