រដ្ឋបាលខេត្តកោះកុង

Koh Kong Provincial Administration
ស្វែងរក

លោក សុខ ភិរម្យ អភិបាលរង នៃគណៈអភិបាលស្រុកកោះកុងបានដឹកនាំកិច្ចប្រជុំបូកសរុបលទ្ធផលការងារប្រចាំខែសីហារបស់ក្រុមការងារព័ត៌មានវិទ្យាស្រុកកោះកុង


ស្រុកកោះកុង ៖ នៅរសៀល​ថ្ងៃចន្ទ ១៥ កើត ខែស្រាពណ៍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៣ ខែសីហា ឆ្នាំ២០២១ លោក សុខ ភិរម្យ អភិបាលរង នៃគណៈអភិបាលស្រុកកោះកុង និងជា​ប្រធាន​ក្រុមការងារ​ព័ត៌មានវិទ្យា​ស្រុកកោះកុង  បានដឹកនាំកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅបន្តប្រចាំខែកញ្ញា ឆ្នាំ២០២១​ របស់ក្រុមការងារព័ត៌មានវិទ្យាស្រុកកោះកុង ដើម្បីបង្កើនបាន​នូវការផ្តល់ព័ត៌មានជូនសាធារណៈជន​ឱ្យទទួលជ្រាបកាន់តែទូលំទូលាយពីសកម្មភាពរបស់ថ្នាក់ដឹកនាំ និងមន្រ្តី​រាជការនៃរដ្ឋបាលស្រុកកោះកុង ព្រមទាំង​រដ្ឋបាលឃុំទាំង៤ នៃស្រុកកោះកុង​ផងដែរ។​

ស្របពេលជាមួយគ្នានោះផងដែរ ក៏មាននូវវគ្គតម្រង់ទិសខ្លីមួយដែលធ្វើបទបង្ហាញដោយលោក អ៊ឹង បឺត អនុប្រធាន​ក្រុមការងារ ធ្វើការបង្ហាញពីរបៀបសរសេរ​ព័ត៌មាន​នៅលើគេហទំព័ររដ្ឋបាលស្រុកកោះកុង(Facebook page) និង​គេហទំព័រ​រដ្ឋបាលខេត្តកោះកុង (Website) ជូនដល់​សមាជិក​ក្រុមការងារ​ព័ត៌មានវិទ្យា​ថ្មីៗ ដើម្បីបង្កើន​ប្រសិទ្ធភាព និង​ល្បឿននៃការប្រមូល​ព័ត៌មាន​របស់​ថ្នាក់ដឹកនាំ មន្រ្តីរាជការ រដ្ឋបាលឃុំទាំង៤ ដើម្បីរៀបចំចងក្រងជាខ្លឹមសារ និងធ្វើការបង្ហោះផ្សព្វផ្សាយជា​សាធារណៈ​។​

សមាសភាពចូលរួមមាន លោកអនុប្រធាន​ និងសមាជិកក្រុមការងារព័ត៌មានវិទ្យា។​

អត្ថបទទាក់ទង