ខេត្តកោះកុង៖ លោក ឃឹម ច័ន្ទឌី អភិបាលរងនៃគណៈអភិបាលខេត្តកោះកុង បានអញ្ជើញចូលរួមក្នុងពិធីផ្សព្វផ្សាយ និងវគ្គបណ្តុះបណ្តាលស្តីពី“បទដ្ឋានគតិយុត្តដាក់ឱ្យអនុវត្តបច្ចុប្បន្នភាពវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដារអប្បបរមាសម្រាប់សេវាកម្មស្នាក់នៅទេសចរណ៍ សេវាកម្មភោជនីយដ្ឋាន អាហារដ្ឋានទេសចរណ៍ និងរមណីយដ្ឋានទេសចរណ៍” តាមរយៈវីដេអូ (Video Conference) ដែល ប្រព្រឹត្តទៅនៅថ្ងៃពុធ ៩រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១ ខែកញ្ញា ឆ្នាំ២០២១ វេលាម៉ោង ០៨:៣០ នាទីព្រឹក ក្រោមអធិបតីភាព ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ ។

ពិធីផ្សព្វផ្សាយ និងវគ្គបណ្តុះបណ្តាលនេះ ស្ថិតក្រោមប្រធានបទចំនួន ២ ដូចខាងក្រោម ៖

ក. ប្រធានបទទី១

• បច្ចុប្បន្នភាពវិធានសុវត្ថិភាពទេសចរណ៍សម្រាប់សេវាកម្មរមណីយដ្ឋានទេសចរណ៍
• ឯកសារ នីតិវិធីប្រតិបត្តិស្តង់ដាអប្បបរមា (SOP) តាមគន្លងប្រក្រតីភាពថ្មីសម្រាប់សេវាកម្ម រមណីយដ្ឋានទេសចរណ៍

ខ. ប្រធានបទទី២

• បច្ចុប្បន្នភាពវិធានសុវត្ថិភាពទេសចរណ៍សម្រាប់សេវាកម្ម ភោជនីយដ្ឋាន និងអាហារដ្ឋានទេសចរណ៍
• ឯកសារ នីតិវិធីប្រតិបត្តិស្តង់ដាអប្បបរមា (SOP) តាមគងប្រក្រតីភាពថ្មីសម្រាប់សេវាកម្ម ភោជនីយដ្ឋាន និងអាហារដ្ឋានទេសចរណ៍
• បច្ចុប្បន្នភាពវិធានសុវត្ថិភាពទេសចរណ៍សម្រាប់សេវាកម្មស្នាក់នៅទេសចរណ៍”
• ឯកសារនីតិវិធីប្រតិបត្តិស្តង់ដាអប្បបរមា (SOP) តាមគន្លងប្រក្រតីភាពថ្មីសម្រាប់សេវាកម្ម ស្នាក់នៅទេសចរណ៍”