លោក ផៃធូន ផ្លាមកេសន អភិបាលស្តីទីខេត្តកោះកុង បានអញ្ជើញជាអធិបតី ក្នុងពិធីបើកការដ្ឋានសាងសង់ផ្លូវបេតុអាមេ ប្រវែង ៣,០០០ ម៉ែត្រ ជាគម្រោងវិនិយោគ របស់រដ្ឋបាលខេត្តកោះកុង ឆ្នាំ២០១៩។

លោកអភិបាលខេត្តស្តីទី បានលើកឡើងថា ខ្ញុំសូមចូលរួមអបអរសាទរ ជាមួយបងប្អូន ដែលបានចូលរួមបើកការដ្ឋានសាងសង់ផ្លូវនៅក្នុងភូមិ១ និងភូមិស្មាច់មានជ័យ ក្នុងសង្កាត់ស្មាច់មានជ័យនាពេលនេះ ទាំងនេះជាការខិតខំរបស់ថ្នាក់ដឹកនាំខេត្ត ក៏ជាការឆ្លើយតបនិងសំណូមពរ របស់បងប្អូននាពេលកន្លងមក សមិទ្ធផលផលនានា បានសាងសងជាបន្តបន្ទាប់ ទាំងផ្លូវ លូរ សួនច្បារ និងបណ្តាញអគ្គីសនី ក្នុងក្រុង។ ជាមួយនិងសមិទ្ធផលនាពេលនេះ សូមអោយក្រុមហ៊ុន ដែលបានទទួលអនុវត្តគម្រោង ត្រូវគោរពតាមកិច្ចសន្យាអោយបានខ្ជាប់ខ្ជួន ប្រកបដោយគុណភាព អាជ្ញាធរធរមូលដ្ឋាន ត្រូវសហការ សម្របសម្រួល ជាប្រចាំ ដើម្បីអោយគម្រោងផ្លូវទាំង ៣,០០០ ម៉ែត្រនេះ សម្រេចបានទាន់ពេលវេលា។ បងប្អូន ដែលប្រើប្រាស់ផ្លូវ និងរស់នៅសងខាងផ្លូវទាំងអស់ ជៀសវាងសាងសង់សំណង់នានា បំពានលើផ្លូវ ដឹកលើសទម្ងន់ ដើម្បីអោយផ្លូវរបស់យើងប្រើប្រាស់បានយូរអង្វែង។