លោកជំទាវ មិថុនា ភូថង ប្រធានគណៈកម្មាធិការសាខា បានចាត់អោយលោក ឈួន យ៉ាដា នាយកប្រតិបត្តិសាខា ដឹកនាំក្រុមប្រតិបត្តិសាខា សហការជាមួយក្រុមគ្រូពេទ្យខេត្តកោះកុង អញ្ជើញចុះសួរសុខទុក្ខ និងនាំយកអំណោយ មនុស្សធម៌ផ្តល់ជូនលោកស្រី គង់ណាយ អាយុ៥៧ឆ្នាំ ជាអ្នកស្ម័គ្រចិត្តកាកបាទក្រហម សង្កាត់ដងទង់ ដែលកំពុងសម្រាកព្យាបាលជម្ងឺគ្រោះក្នុងតម្រងនោម នៅមន្ទីរពេទ្យខេត្តកោះកុង ។
នាឱកាសនោះលោកនាយកសាខា បានពាំនាំនូវប្រសាសន៍ផ្ដាំផ្ញើសួរសុខទុក្ខពីលោកជំទាវ មិថុនា ភូថង ប្រធានគណៈកម្មាធិការសាខា កក្រក ខេត្តកោះកុង ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ពិសេសអ្នកស្ម័គ្រចិត្តកាកបាទក្រហម ដែលបានលះបង់កម្លាំងកាយ ចិត្ត ចូលរួមការងារមនុស្សធម៌ជាមួយកាកបាទក្រហមកន្លងមកដោយមិនខ្លាចនឿយហត់ ។លើសពីនេះក្រុមការងារសូមអោយអ្នកមីងស្តាប់តាមការណែនាំរបស់គ្រូពេទ្យ ដើម្បីឆាប់បានជាសះស្បើយ និងថែរក្សាសុខភាពឱ្យបានល្អ ដោយប្រកាន់ខ្ជាប់នូវ ហូបស្អាត ផឹកស្អាត រស់នៅស្អាត ។
អំណោយដែលសាខាផ្តល់ជូនរួមមាន ៖
ទឹកដោះគោឆៅ១ឡូ ទឹកបរិសុទ្ធឱរ៉ាល់១កេស ព្រមទាំងថវិកា ១៦០.០០០រៀល។
