រដ្ឋបាលខេត្តកោះកុង

Koh Kong Provincial Administration
ស្វែងរក

ពិធីប្រគល់ទទួលសមិទ្ធិផលនានាដែលបានសាងសង់ដោយអង្គភាពសម្របសម្រួលគម្រោងក្រសួងទេសចរណ៍នៅសហគមន៍ការពារធម្មជាតិពាមក្រសោប

ថ្ងៃទី ១៨ ខែតុលា ឆ្នាំ២០២១ មន្ទីរទេសចរណ៍ខេត្តកោះកុងបាន សហការជាមួយរដ្ឋបាលស្រុកមណ្ឌលសីមា រៀបចំកម្មវិធី ប្រគល់ទទួលសមិទ្ធិផលនានាដែលបានសាងសង់ដោយអង្គភាពសម្របសម្រួលគម្រោងក្រសួងទេសចរណ៍(គម្រោងអភិវឌ្ឍន៍ហេដ្ឋារនាសម្ព័ន្ធទេសចរណ៍សម្រាប់កំណើនប្រកបដោយបរិយាបន្នក្នុងមហាអនុតំបន់មេគង្គ GMS TIIG No.3194-CAM(SF) ជូនដល់សហគមន៍តំបន់ការពារធម្មជាតិពាមក្រសោប ស្ថិតក្នុងឃុំពាមក្រសោប ស្រុកមណ្ឌលសីមា ខេត្តកោះកុង ក្រោមអធិបតីភាព លោកប្រាក់ វិចិត្រ អភិបាលនៃគណៈអភិបាលស្រុកមណ្ឌលសីមា លោកសុខ ចាន់គ្រឹះស្នា ប្រធានមន្ទីរទេសចរណ៍ខេត្ត និងលោក វ៉េត សុខនីម អនុប្រធានបរិស្ថានខេត្ត
ក្នុងនោះផងដែរអាគារដែលបានប្រគល់ជូនសហគមន៍រួមមាន៖
-ឡដុតសម្រាម
-អាគារផលិត ផលិតផលសហគមន៍ (មានបំពាក់សំភារៈ ឧបករណ៍សម្រាប់ផលិត)
-បង្គន់អនាម័យ
-មណ្ឌលព័ត៌​មានសហគមន៍
លោក សុខ ចាន់គ្រឹះស្នា ប្រធានមន្ទីរទេសចរណ៍ ​ បានមានប្រសាសន៍ថា​ អាគារដែលបានប្រគល់ថ្ងៃនេះ ពិតជាមានសារៈសំខាន់ណាស់សម្រាប់សហគមន៍ក្នុងការបម្រើនូវសេចក្ដីត្រូវការរបស់ភ្ញៀវទេសចរជាតិ និងអន្តរជាតិ ជាមួយគ្នានេះដែរលោកក៏បានស្នើអោយសហគមន៍ធ្វើយ៉ាងណាជួយការពារ ថែរក្សានូវសំភារៈ ក៏ដូចជាអាគារដែលបានប្រគល់ជូននាថ្ងៃនេះអោយបានល្អ និងបានណែនាំដល់សហគមន៍អោយអនុវត្តប្រកាន់ខ្ជាប់នូវវិធានការ ៣ការពារ ៣កុំ ដើម្បីធានាអោយបាននូវសុខ សុវត្ថិភាពជូនភ្ញៀវទេសចរ និងប្រជាសហគមន៍ផងដែរ ។

អត្ថបទទាក់ទង