លោក ឃឹម ច័ន្ទឌី អភិបាលរងខេត្ត តំណាងដ៏ខ្ពង់ខ្ពស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង អញ្ជើញជាភ្ញៀវកិត្តិយសក្នុងកិច្ចពិភាក្សាគោលនយោបាយថ្នាក់ជាតិ ស្តីពីការស្វែងរកដំណោះស្រាយ ដើម្បីបញ្ចប់អំពើហិង្សាលើកុមារតាមរយៈប្រព័ន្ធវីដេអូ ដោយមានការចូលរួមពីសំណាកតំណាងក្រសួងស្ថាប័ន អង្គការដៃគូ តំណាងវិស័យឯកជន និងតំណាងសកលវិទ្យាល័យ ដើម្បីធ្វើការចែករំលែកវឌ្ឍនភាព បទពិសោធន៍ និងការអនុវត្តល្អៗ ជាវិធានការបន្ត ដើម្បីបញ្ចប់អំពើហិង្សាលើកុមាររបស់ក្រសួង ស្ថាប័ន និងអង្គការដៃគូពាក់ព័ន្ធ៕