ស្រុកកោះកុង ៖ ថ្ងៃអង្គារ ១៣ កើត ខែអស្សុជ ឆ្នាំឆ្លូវត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៩ ខែតុលា ឆ្នាំ២០២១ យោងតាមការណែនាំ និងតាមការចាត់តាំងរបស់លោក ឯក ម៉ឹង ប្រធានក្រុមប្រឹក្សាស្រុក និងលោក ជា សូវី អភិបាល នៃគណៈអភិបាលស្រុកកោះកុង លោក អុឹង ទូច សមាជិកក្រុមប្រឹក្សាស្រុក និងលោក សុខ ភិរម្យ អភិបាលរង នៃគណៈអភិបាលស្រុកកោះកុង និងជាប្រធានអនុក្រុមការងារប្រយុទ្ធប្រឆាំងនៃជំងឺកូវីដ-១៩ ឃុំកោះកាពិ បានអញ្ជើញបាននាំយកអំណោយដ៏ថ្លៃថ្លារបស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង ធ្វើការប្រគល់ជូនរដ្ឋបាលឃុំកោះកាពិចំនួន ៣៣៩ឈុត ដែលរួមមាននូវសម្ភារគ្រឿងឧបភោគបរិភោគ ដើម្បីចែកជូនប្រជាពលរដ្ឋដែលកំពុងធ្វើចត្តាឡីស័កនៅតាមផ្ទះជាមួយការពាក់ព័ន្ធនឹងជំងឺកូវីដ-១៩ និងប្រជាពលរដ្ឋងាយរងគ្រោះនៅភូមិ០១ និងភូមិ០២ ឃុំកោះកាពិ ស្រុកកោះកុង ខេត្តកោះកុង។
ក្នុងឱកាសនោះ ក្រុមការងារបានពាំនាំនូវប្រសាសន៍ផ្ដាំផ្ញើសួរសុខទុក្ខពីលោក ឯក ម៉ឹង ប្រធានក្រុមប្រឹក្សាស្រុក និងលោក ជា សូវី អភិបាល នៃគណៈអភិបាលស្រុកកោះកុង និងជាពិសេស លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ដែលកំពុងជួបការ លំបាក ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។
ទន្ទឹមនឹងនេះ ក្រុមការងារ ក៏បានអំពាវនាវដល់ប្រជាពលរដ្ឋទាំងអស់ ពិសេសចាស់ជរា កុមារតូចៗ មានស្មារតីប្រុងប្រយ័ត្នខ្ពស់ និងចូលរួមទប់ស្កាត់ជំងឺកូវីដ-១៩ ដើម្បីសេចក្តីសុខ និងសុភមង្គលក្នុងក្រុមគ្រួសារ ជាពិសេសអនុវត្តនូវវិធានការការពាររបស់ក្រសួងសុខាភិបាលស្តីពីវិធានការការពារជំងឺកូវីដ១៩ និងវិធានការ"៣កុំ ៣ការពារ"
របស់រាជរដ្ឋាភិបាលឱ្យបានខ្ជាប់ខ្ជួន។
ក្នុងឱកាសនោះក៏មានវត្តមានចូលរួមពីលោក ឃុន វណ្ណា មេឃុំកោះកាពិ ក្រុមប្រឹក្សាឃុំ កម្លាំងទីស្នាក់ការលំហរសមុទ្រឡាំដាំ កម្លាំងប៉ុស្ដិ៍រដ្ឋបាលការពារព្រំដែនទឹកឡាំដាំ លោកមេភូមិ កម្លាំងប្រជាការពារទាំងពីភូមិសរុប១៥នាក់។
អំណោយនិងសម្ភារ គ្រឿងឧបភោគបរិភោគដែលទទួលបានរួមមានអង្ករ២៥គីឡូក្រាម មី០១កេស ទឹកស៊ីអីវ ០១យួរ ទឹកត្រី ០១យួរ ម៉ាស់ ០១ប្រអប់ ទឹកសុទ្ធ០១ យួរ។