លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអនុញ្ញាតឲ្យតំណាងក្រុមហ៊ុន វ៉ារីអគ្គិសនីតាតៃ ចូលជួបសម្តែងការគួរសម និងស្នើសូមរដ្ឋបាលខេត្តបន្តការគាំទ្រ ដល់ក្រុមហ៊ុន។

ក្រោយពីស្តាប់របាយការណ៍សង្ខេបរបស់តំណាងក្រុមហ៊ុន លោកជំទាវអភិបាលខេត្ត បានលើកឡើងថា ចំពោះផលប៉ះពាល់ មួយចំនួនដែលក្រុមហ៊ុន បានជួបប្រទះ និងស្នើសូមដល់រដ្ឋបាលខេត្តកោះកុង ព្រមទាំងស្នើសូមកិច្ចគាំទ្រ និងចុះជួយពិនិត្យស្ថានភាពជាក់ស្តែង នៅទីតាំងដែលមានផលប៉ះពាល់។ ក្នុងនាមរដ្ឋបាលខេត្ត ឯកភាពតាមសំណើរបស់ក្រុមហ៊ុន ម្យ៉ាងទៀតក្នុងនាមអាជ្ញាធរដែនដី តែងតែយកចិត្តទុកដាក់ ជាមួយអ្នកវិនិយោគទាំងអស់ និងត្រៀមសហការ ក្នុងចុះពិនិត្យ ជាក់ស្តែងនៅទីតាំងដែលមានផលប៉ះពាល់ ឲ្យបានទាន់ពេលវេលា ក្នុងគោលបំណងឲ្យក្រុមហ៊ុនអនុវត្តការងារបានទទួលលទ្ធផលល្អប្រសើរបន្ថែមទៀត៕

ថ្ងៃព្រហស្បតិ៍ ៦ រោច ខែកត្តិក ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៥ ខែវិច្ឆិកា ឆ្នាំ២០២១ November 25, 2021