សាររំលែកទុក្ខ សូមទូលថ្វាយ ព្រះអង្គម្ចាស់ក្សត្រិយ៍ នរោត្តម ម៉ារី រណឫទ្ធិ និងព្រះរាជបុត្រា បុត្រី តាងនាមក្រុមប្រឹក្សាខេត្ត គណៈអភិបាលខេត្ត មន្ត្រីរាជការ នៃរដ្ឋបាលខេត្តកោះកុងគ្រប់លំដាប់ថ្នាក់ និងក្នុងនាមទូលព្រះបង្គំនាងខ្ញុំផ្ទាល់ និងស្វាមី មានសេចក្តីក្ដុកក្ដួល រន្ធត់ចិត្តឥតឧបមានៃការយាងសោយ ព្រះទិវង្គតរបស់សម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ៊្វុនស៊ិនប៉ិច និងជាព្រះប្រធានក្រុម ប្រឹក្សាផ្ទាល់ព្រះមហាក្សត្រ នៅថ្ងៃអាទិត្យ ៩រោច ខែកត្តិក ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៨ ខែ វិច្ឆិកា ឆ្នាំ២០២១ ក្នុងព្រះជន្មាយុ ៧៧ ព្រះវស្សា ដោយព្រះរោគាពាធ ។
