លោក អៀត វណ្ណា ប្រធានមន្ទីរផែនការខេត្ត បានអញ្ជេីញចូលរួមអមដំណេីរ ឯកឧត្តម កែវ អ៊ូលី ប្រធាននាយកដ្ឋានអត្តសញ្ញាណកម្មគ្រួសារក្រីក្រ ក្រសួងផែនការ និង ឯកឧត្តម ឈួរ សុបញ្ញា ប្រធាននាយកដ្ឋានសុខមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនិតិសម្បទា ចុះមកតាមដានត្រួតពិនិត្យការសម្ភាសន៍គ្រួសារក្រីក្រឡេីងវិញចំនួន ២០គ្រួសារ ដោយប្រេីប្រាស់តាប្លេត (App OD ID-Poor) នៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង។

ថ្ងៃព្រហស្បតិ៍ ៤រោច ខែមិគសិរ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៣ ខែធ្នូ ឆ្នាំ២០២១

លោក អៀត វណ្ណា ប្រធានមន្ទីរផែនការខេត្ត បានអញ្ជេីញចូលរួមអមដំណេីរក្រុមការងារក្រសួងផែនការ និង ក្រុមការងារក្រសួងសង្គមកិច្ច អតីតយុទ្ធជន និងយុវនិតិសម្បទា ចុះមកតាមដានត្រួតពិនិត្យការសម្ភាសន៍គ្រួសារក្រីក្រឡេីងវិញចំនួន ២០គ្រួសារ ស្ថិតនៅភូមិ៤ សង្កាត់ដងទង់ដោយប្រេីប្រាស់តាប្លេត (App OD ID-Poor) និងរៀបចំកិច្ចប្រជុំត្រួតពិនិត្យលទ្ធផល ធ្វេីការវាយតម្លៃគុណភាព សុក្រឹត្យភាពទិន្នន័យ ដេីម្បីធ្វេីការកែលម្អរលទ្ធភាពបច្ចេកទេស ពង្រឹងការអនុវត្ត សមត្ថភាព គុណភាពអ្នកប្រេីប្រាស់តាប្លេត (Tablet) តាមរយៈ App OD ID-Poor ដោយមានការអញ្ជេីញចូលរួម÷

១-ឯកឧត្តម កែវ អ៊ូលី ប្រធាននាយកដ្ឋានអត្តសញ្ញាណកម្មគ្រួសារក្រីក្រ ក្រសួងផែនការ និងសហការី

២-លោក ឈួរ សុបញ្ញា ប្រធាននាយកដ្ឋានសុខមាលភាពសង្គមនៃក្រសួងសង្គមកិច្ច អតីតយុទ្ធជន និងយុវនិតិសម្បទា និងសហការី

៣-លោកប្រធានមន្ទីរផែនការខេត្ត និងសហការី

៤-តំណាងមន្ទីរសង្គមកិច្ច អតីតយុទ្ធជន និងយុវនិតិសម្បទាខេត្ត

៥-តំណាងរដ្ឋបាលសាលាក្រុងខេមរភូមិន្ទ

៦-សមាជិកក្រុមប្រឹក្សាសង្កាត់ដងទង់ ចៅសង្កាត់ ស្មៀន និងអ្នកពាក់ព័ន្ធនៅក្នុងសង្កាត់។