ពិធីសម្ភោធដាក់អោយប្រើប្រាស់នៅអគារបឋមសិក្សាមួយកន្លែង ស្ថិតក្នុងឃុំត្រពាំងរូង ស្រុកកោះកុង ខេត្តកោះកុង ដែលជាជំនួយរបស់អង្គការសហព័ន្ធសាលារៀនពិភពលោក (UWS )
ពិធីសម្ភោធដាក់អោយប្រើប្រាស់នៅអគារបឋមសិក្សាមួយកន្លែង ស្ថិតក្នុងឃុំត្រពាំងរូង ស្រុកកោះកុង ខេត្តកោះកុង ដែលជាជំនួយរបស់អង្គការសហព័ន្ធសាលារៀនពិភពលោក (UWS ) នាថ្ងៃទី ២៣ ខែ ធ្នូ ឆ្នាំ ២០២១ ។ក្រោមអធិបតីភាព លោក ស្រេង ហុង អភិបាលរងខេត្តកោះកុង អគារសិក្សាថ្មី១ខ្នងស្មើនឹង៤បន្ទប់នេះគឺជាជួយសាងសង់និង ឧត្ថម្ភដោយពីអង្គការសហព័ន្ធសាលារៀនពិភពលោក(UWS ) ក្នុងខេត្តកោះកុង អង្គការនេះបានជូយ សាងសង់សាលានៅទីជនបទបានចំនួន ១០ សាលារួចហើយ ។លោក ណាន ស៊ីថា ស្ថាបនិកនិងជានាយកប្រចាំប្រទេសកម្ពុជានៃអង្គការសហព័ន្ធសាលារៀនពិភពលោក លើកឡើងថា ការផ្តល់ជំនួយជាអគារសិក្សា និងផ្គត់ផ្គង់សម្ភារៈបច្ចេកទេសផ្សេងៗមកកាន់សហគមន៍ឆ្ងាយដាច់ស្រយោលបែបនេះ គឺក្នុងគោលបំណងដើម្បីរួមចំណែកជាមួយរាជរដ្ឋាភិបាលកម្ពុជា ដោយធ្វើយ៉ាងណាបើកឱកាសដល់កុមារបានចូលរួមរៀនគ្រប់ៗគ្នា។
