លោក ង៉ែត ឡឹង ប្រធានមន្ទីរអប់រំ យុវជន និងកីឡាខេត្តកោះកុង អញ្ជើញជាអធិបតីភាព ក្នុងពិធីប្រកាសលទ្ធផលដល់សិស្សានុសិស្ស្ ដែលទទួលបានជ័យលាភីក្នុងការប្រឡងប្រណាំង ការអានអត្ថបទ ស្មូតកំណាព្យ និងតែងនិពន្ធ ក្រោមប្រធានបទ (អំណានជួយលើកកម្ពស់គុណភាពជីវិតក្នុងសង្គមឌីជីថល)ថ្នាក់ខេត្ត និងប្រគល់ប័ណ្ណសរសើរ ព្រមទាំងរង្វាន់លើកទឹកចិត្ត ។ក្នុងឱកាសនោះលោកប្រធានមានប្រសាសន៍ផ្តាំផ្ញើ ដល់កុមារជ័យលាភីថ្នាក់ខេត្ត ក៏ដូចជាកុមារទាំងអស់ ដែលបានមកចូលរួមក្នុងការប្រកួតប្រជែងនេះខិតខំប្រឹងប្រែងបន្ត និងការពារខ្លួនពីជំងឺកូវីដ១៩ជាប្រចាំ ។ ជាលទ្ធផលក្នុងការប្រកូតនេះ (១) ផែ្នកអំណានបានទៅលើកុមារី យិន សុម៉ាលី មកពីសាលាបឋមសិក្សាខ្សាច់ក្រហម ស្រុកស្រែអំបិល (២)ផ្នែកសូត្រកំណាព្យបានទៅលើយុវតី យោង ស្រីនិត មកពីអនុវិទ្យាល័យពន្លឺវិជ្ជា ស្រុកបូទុមសាគរ និង(៣) ផ្នែកតែងនិពន្ធបានទៅលើ យុវតី ឆុន ស្រីណាត់ មកពីវិទ្យាល័យចំណេះទូទៅ និងបច្ចេកទេសតេជោសែនកោះកុង ។
