រដ្ឋបាលខេត្តកោះកុង

Koh Kong Provincial Administration

រដ្ឋបាលខេត្តកោះកុង

Koh Kong Provincial Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សាខាកាកបាទក្រហមកម្ពុជា ខេត្តកោះកុង បានប្រារព្ធទិវាអន្តរជាតិ នៃអ្នកស្ម័គ្រចិត្ត ៥ ធ្នូ ២០១៩ ក្រោមប្រធានបទ «ស្ម័គ្រចិត្តដើម្បីអនាគតប្រកបដោយបរិយាប័ន្ន» ក្រោមអធិបតីភាព លោកជំទាវ មិថុនា ភូថង ប្រធានគណៈកម្មាធិការសាខា កក្រក ខេត្តកោះកុង សមាជិក សមាជិកាគណៈកម្មាធិការសាខា ព្រមទាំងអញ្ជើញចូលរួមពីថ្នាក់ដឹកនាំ-មន្ត្រី សាខា កក្រក ខេត្តកោះកុង អនុសាខាកក្រក ក្រុងខេមរភូមិន្ទ អ្នកស្ម័គ្រចិត្ត សរុបប្រមាណ ៤៥នាក់ នៅសាលប្រជុំមន្ទីរសាធារណៈការ និងដឹកជញ្ជូនខេត្តកោះកុង។

ដោយ រដ្ឋបាល​ខេត្ត​កោះកុងចំនួនទស្សនា (305)

សាខាកាកបាទក្រហមកម្ពុជា ខេត្តកោះកុង បានប្រារព្ធទិវាអន្តរជាតិ នៃអ្នកស្ម័គ្រចិត្ត ៥ ធ្នូ ២០១៩ ក្រោមប្រធានបទ «ស្ម័គ្រចិត្តដើម្បីអនាគតប្រកបដោយបរិយាប័ន្ន» ក្រោមអធិបតីភាព លោកជំទាវ មិថុនា ភូថង ប្រធានគណៈកម្មាធិការសាខា កក្រក ខេត្តកោះកុង សមាជិក សមាជិកាគណៈកម្មាធិការសាខា ព្រមទាំងអញ្ជើញចូលរួមពីថ្នាក់ដឹកនាំ-មន្ត្រី សាខា កក្រក ខេត្តកោះកុង អនុសាខាកក្រក ក្រុងខេមរភូមិន្ទ អ្នកស្ម័គ្រចិត្ត សរុបប្រមាណ ៤៥នាក់ នៅសាលប្រជុំមន្ទីរសាធារណៈការ និងដឹកជញ្ជូនខេត្តកោះកុង។

ថ្លែងក្នុងឱកាសនោះ លោកជំទាវប្រធានគណៈកម្មាធិការសាខា បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលផ្តាំផ្ញើសួរសុខទុក្ខ នឹករលឹក ថ្លែងអំណរគុណ និងកោតសរសើរយ៉ាងជ្រាលជ្រៅចំពោះកម្លាំងឈានមុខរបស់អ្នកស្ម័គ្រចិត្តទាំងអស់ ដែលបាន បរិច្ចាគធនធាន ពេលវេលា កម្លាំងកាយ-ចិត្តចេញពីបេះដូងមនុស្សធម៌សុទ្ធសាធក្នុងការចូលរួមចំណែកជួយដល់ជនរងគ្រោះ និងជនងាយរងគ្រោះបំផុត នៅក្នុងសហគមន៍ និងនៅតាមគ្រឹះស្ថានសិក្សានានា។

ជាមួយគ្នានេះ លោកជំទាវប្រធាន បានគូសបញ្ជាក់ពីគុណតម្លៃនៃការងារស្ម័គ្រចិត្ត ហើយដែល ទិវាអន្តរជាតិនៃអ្នកស្ម័គ្រចិត្ត គឺជាការលើកកម្ពស់ការចូលរួមដោយស្ម័គ្រចិត្តក្នុងការងារមនុស្សធម៌របស់ចលនាអន្ដរជាតិកាកបាទក្រហម និងអឌ្ឍចន្ទក្រហម ដែល មកដល់បច្ចុប្បន្ននេះមានសមាគមជាតិចំនួន ១៩២ ប្រទេស មានអ្នកស្ម័គ្រចិត្តជាង១២លាននាក់ ជាធនធានមនុស្សដ៏មានសក្កានុពល ជាឆ្អឹងខ្នងរបស់ចលនា និងជាកម្លាំងប្រតិបត្តិករមនុស្សធម៌ប្រកបដោយប្រសិទ្ធភាព និងទាន់ពេលវេលា។ ជាក់ស្តែង កាកបាទក្រហមកម្ពុជា បានពង្រឹង និងពង្រីកកម្លាំងអ្នកស្ម័គ្រចិត្តបានរហូតដល់ជាង ៤ម៉ឺន នាក់នៅទូទាំងប្រទេស ដែលសុទ្ធតែជាកម្លាំងមិនអាចខ្វះបាន ក្នុងការផ្តល់ក្តីសង្ឃឹម និងភាពកក់ក្តៅដល់អ្នកងាយរងគ្រោះបំផុតបានទាន់ពេលវេលា និងគ្រប់ទីកន្លែង។

តំណាងអ្នកស្ម័គ្រចិត្ត ២នាក់ និងលោកស្រីអនុប្រធានគណៈកម្មាធិការអនុសាខាក្រុងខេមរភូមិន្ទ បានថ្លែងចំណាប់អារម្មណ៍ និងបង្ហាញពីការប្តេជ្ញាចិត្តខ្ពស់ក្នុងការបំពេញតួនាទីជាកម្លាំងឈានមុខ ដើរតាមគំរូវីរភាពរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចូលរួមសកម្មភាពជាបន្តទៀត ក្នុងតួនាទីជាអ្នកស្ម័គ្រចិត្តកាកបាទក្រហមកម្ពុជា ដើម្បីជាផលប្រយោជន៍នៃជនងាយរងគ្រោះ និងជនរងគ្រោះដោយគ្រោះមហន្តរាយផ្សេងៗនៅក្នុងសហគមន៍។

ដើម្បីលើកទឹកចិត្តដល់អ្នកស្ម័គ្រចិត្ត ឆ្នើមចំនួន ១០នាក់ ដែលចូលរួមក្នុងឱកាស នោះ កាកបាទក្រហមកម្ពុជា បានផ្ដល់ជូននូវបណ្ណសរសើរ ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងសាខា កក្រក ខេត្តកោះកុង បានឧបត្ថម្ភបន្ថែម ម្នាក់ៗទទួលបាន មួកសុវត្ថិភាព ១ អាវយឺត៣អាវ និងថវិកា ២ម៉ឺនរៀល ។ ចំពោះសង្កាត់ទាំងបី ក្នុងមួយសង្កាត់ៗ ទទួលបានអាវយឺត ចំនួន២០០អាវ ដែលជាអំណោយរបស់កាកបាទក្រហមកម្ពុជា។

ព្រឹត្តិការណ៍ព័ត៌មាន
ពេញនិយម

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកោះកុង

ព័ត៌មានជាប់ទាក់ទង

អគារលេខ ៦៧៧ ផ្លូវលេខ ៩០០ ភូមិ១ សង្កាត់ស្មាច់មានជ័យ

ក្រុងខេមរភូមិន្ទ ខេត្តកោះកុង

អ៊ីមែល : info@kohkong.gov.kh

លេខទូរស័ព្ទ : (+855) 88 964 8999

© 2021
កែប្រែចុងក្រោយ : 3 នាទីមុន