រដ្ឋបាលខេត្តកោះកុង

Koh Kong Provincial Administration
ស្វែងរក

កម្មវិធីចែកកញ្ចប់អាហារដល់បង ប្អូនសាសនិកឥស្លាមចំនួន១០០គ្រួសារ

អរគុណសន្តិភាព !

រសៀលថ្ងៃទី៧ ខែមេសា ឆ្នាំ២០២២ បង ប្អូនសាសនិកឥស្លាមចំនួន ១០០ គ្រួសារ នៅភូមិ៤ សង្កាត់ដងទង់ ក្រុងខេមរភូមិន្ទ បានទទួលកញ្ចប់អាហារ ជាការឧបត្ថម្ភរបស់សមាគមមនុស្សធម៌ដារុលអាឃីរ៉ោះកម្ពុជា តាមរយះលោក យូសុះ មូស្លីមីន ជាប្រធានសមាគម ។

លោក ជួន ភារ៉េត អនុប្រធានមន្ទីរធម្មការ និងសាសនាខេត្ត តំណាងលោកប្រធានមន្ទីរ បានពាំនាំនូវការសួរសុខទុក្ខនិងនឹករលឹកដល់បងប្អូនសាសនិកឥស្លាមទាំងអស់ពីសំណាក់ថ្នាក់ដឹកនាំខេត្ត
សូមឲ្យបងប្អូនថែរក្សាសុខភាព និងប្រតិបតិ្តអោយបានខ្ជាប់ខ្ជួន អត់ធ្មត់ឲ្យបានរយះពេល១ខែពេញនៃរដូវបុណ្យរ៉ម៉ាដននេះ។

គួរំលឹកផងដែរថា រាល់សកម្មភាពមនុស្សធម៌ ការអភិវឌ្ឍន៍នានា និងសិទ្ធសេរីភាពពេញលេញនៃសាសនានៅព្រះរាជាណាចក្រកម្ពុជាគឺជាតំលៃនៃសន្តិភាព និងការដឹកនាំដ៏ឈ្លៀសវៃរបស់សម្តេចអគ្គមហាសេនាបតីតេជោ ហ៊ុន សែន ។ បង ប្អូនយើងទាំងអស់គ្នា បានសំដែងក្តីសប្បាយរីករាយ ដែលបានរស់នៅក្រោមដំបូលសន្តិភាពពេញលេញ ដែលមានសម្តេចតេជោ ហ៊ុន សែន ជាអគ្គស្ថានិក និងជាមគ្គុទ្ទេសក៍ឯក នៃនយោបាយឈ្នះ ឈ្នះ។

កោះកុង, ថ្ងៃទី7/4/2022

អត្ថបទទាក់ទង