វេទិកាអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក ក្រោមប្រធានបទ"ខ្ញុំ ❤ ️កោះកុង" "បរិស្ថានស្អាតដើម្បីទេសចរណ៍ ថ្ងៃនេះថ្ងៃស្អែកគ្មានគ្រោះថ្នាក់ចរាចរណ៍ សូមឆ្លើយថាទេចំពោះគ្រឿងញៀន " រួមគ្នាបង្ការ និងទប់ស្កាត់គ្រោះថ្នាក់ចរាចរណ៍។
រដ្ឋបាលស្រុកស្រែអំបិល បានរៀបចំវេទិកាផ្សព្វផ្សាយច្បាប់ស្ដីពីចរាចរណ៍ផ្លូវគោក ស្ថិតនៅភូមិបឹងព្រាវ ឃំុបឹងព្រាវ ស្រុកស្រែអំបិល ខេត្តកោះកុង ដោយមានការចូលរួមពីមន្ទីរទេសចរណ៌ មន្ទីរបរិស្ថាន មន្ទីរកិច្ចការនារី អធិការនគរបាលស្រុក អាវុធហត្ថស្រុក អាជ្ញាធរភូមិ ឃំុ លោកគ្រូ អ្នកគ្រូសិស្សានុសិស្ស និងប្រជាពលរដ្ឋ ដើម្បីពញ្ញាក់ស្មារតី ដល់អ្នកប្រើប្រាស់ផ្លូវឲ្យចូលរួមគោរពច្បាប់ចរាចរណ៍ បើកបរមានការប្រុងប្រយ័ត្នខ្ពស់ ដើម្បីកាត់បន្ថយគ្រោះថ្នាក់ចរាចរណ៍ ដោយក្នុងនោះមានការសួរសំណួរចម្លើយដើម្បីទទួលបានមួកសុវត្ថិភាព និងបានចែកជូននូវខិតប័ណ្ណ។
