ក្រុមការងារលេខាធិការដ្ឋាននៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តកោះកុងដឹកនាំដោយលោកស្រី អ៊ុន សុគន្ធីតា នាយករងរដ្ឋបាលសាលាខេត្ត និងជាអនុប្រធានលេខាធិការដ្ឋាននៃគណៈកម្មាធិការ ប្រយុទ្ធប្រឆាំងអំពើជួញដូរមនុស្សខេត្តកោះកុង បានជួបពិភាក្សាការងារជាមួយក្រុមការងារអង្គការវីនរ៉ក់អន្តរជាតិ ស្តីពីការជ្រើសរើសតំបន់គោលដៅក្នុងខេត្តកោះកុងសម្រាប់អនុវត្តគម្រោងប្រយុទ្ធប្រឆាំងអំពើជួញដូរមនុស្សនៅកម្ពុជា។
គម្រោងនេះផ្ដោតជាសំខាន់លើដំណោះស្រាយ ឫសគល់ ឬមូលហេតុចម្បងដែលបណ្ដាលឱ្យមានអំពើជួញដូរមនុស្ស និងការពារប្រជាពលរដ្ឋដែលងាយរងគ្រោះការរំលោភបំពានកម្លាំងពលកម្ម និងការធ្វើចំណាកស្រុកដោយប្រថុយប្រថាន ព្រមទាំងគាំទ្រដល់ រាជរដ្ឋាភិបាលក្នុងការប្រយុទ្ធប្រឆាំងអំពើជួញដូរមនុស្ស និងជួយដល់ជនរងគ្រោះឱ្យយកាន់តែមានប្រសិទ្ធភាពបន្ថែមទៀត៕
ថ្ងៃអង្គារ ២ រោច ខែពិសាខ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៧ ខែឧសភា ឆ្នាំ២០២២ May 17, 2022