បណ្ឌិត សំឃិត វៀន អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ដឹកនាំកិច្ចប្រជុំពិភាក្សាការងារអនាម័យ នៅក្រុងខេមរភូមិន្ទ និងស្រុកមណ្ឌលសីមា

បណ្ឌិតអភិបាលរងខេត្ត បានស្តាប់របាយការណ៍វឌ្ឍនភាពការងារដែលបានដាក់ផែនការកាលពីសប្តាហ៍មុន នាថ្ងៃទី២៩ ខែកក្កដា
*ក្រុងខេមរភូមិន្ទ ផ្តោតលើគោលដៅ៣ចំណុច ១-ការផ្សព្វផ្សាយ ២-ការសំអាតអនាម័យបរិស្ថាន និង៣-កិច្ចសហការ ការរៀបចំសន្តិសុខ សណ្តាប់ធ្នាប់ ជាលទ្ធផលក្រុងសម្រេចបាន ៩០ភាគរយ នឹងកំពុងដំណើរការអនុវត្តបន្ត ចំពោះកិច្ចការដែលនៅសេសសល់។
*ស្រុកមណ្ឌលសីមា ១-ផែនការការពារ ១០០ភាគរយ ២-ផែនការរៀបចំអនាម័យ សំអាតបរិស្ថាន បានរើសសំរាមតាមផ្លូវសំខាន់ៗ រីឯការកាត់ស្មៅនៅសេសសល់ចំណុចខ្លះៗ នឹងបន្តព្រឹកនេះឱ្យរួចរាល់។
*មន្ទីរទេសចរណ៍ខេត្ត ១-ត្រៀមរៀបចំស្តង់ពិពរណ៍ ៥ស្តង់នៅសហគមន៍ពាមក្រសោប ២-ត្រៀមទូកទេសចរណ៍ ៥គ្រឿង សម្រាប់ដឹកភ្ញៀវថៃ ទៅកម្សាន្តនៅតាតៃ និង៣-ត្រៀមទឹកបរិសុទ្ធ និងទឹកកក សម្រាប់ចែកជូនកីឡាករជិះកង់។
*កីឡាករជិះកង់ ខេត្តកោះកុង ចំនួន ១៩៣នាក់ និងខេត្តត្រាត ៤០០នាក់ សម្រាប់ចូលរួមជិះកម្សាន្តទេសចរណ៍មិត្តភាព នៅថ្ងៃទី២៩ កក្កដា ២០២២ ពេលព្រឹកដោយផ្តើមជិះចេញពីវត្តហាតឡេក ឆ្ពោះមកក្រុងខេមរភូមិន្ទ និងបន្តទៅឃុំពាមក្រសោប ដើម្បីរៀបចំពិធី៕
ថ្ងៃពុធ ១៤ រោច ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៧ ខែកក្កដា ឆ្នាំ២០២២ ថ្ងៃនេះ ជាថ្ងៃកោរ July 27, 2022