មន្រ្តីនៃទីចាត់ការផែនការនិងវិនិយោគ និងទីចាត់ការគ្រប់គ្រងធនធានមនុស្ស សាលាខេត្តកោះកុង បានចូលរួមវគ្គបណ្តុះបណ្តាលគ្រូបង្គោលសម្រាប់វគ្គតម្រង់ទិសសម្រាប់ក្រុមគោលដៅជាក្រុមប្រឹក្សាឃុំ សង្កាត់ជាប់ឆ្នោតថ្មីក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២ ដែលរៀបចំដោយសាលាជាតិរដ្ឋបាលមូលដ្ឋាន ក្រសួងមហាផ្ទៃ នៅសាលប្រជុំសាលាខេត្តកណ្តាល។
វគ្គបណ្តុះបណ្តាលនេះមានរយ:ពេល០២ថ្ងៃ ចាប់ពីថ្ងៃទី១០ ដល់ថ្ងៃទី១១ ខែសីហា ឆ្នាំ២០២២ ដោយមានការអញ្ជើញចូលពី លោក លោកស្រី គ្រូបង្គោលថ្នាក់ជាតិ និងគ្រូបង្គោលថ្នាក់រាជធានី ខេត្ត សរុបប្រមាណ ៩៤ រូប ស្ត្រី ១៧ រូប។ វគ្គបណ្ដុះបណ្ដាលនេះ គ្របដណ្ដប់លើប្រធានបទចំនួន០៩ រួមមាន:
១. ទិដ្ឋភាពទូទៅនៃការគ្រប់គ្រងរដ្ឋបាលឃុំ សង្កាត់
២. រចនាសម្ព័ន្ធ និងតួនាទី ភារកិច្ចរបស់ក្រុមប្រឹក្សាឃុំ សង្កាត់
៣. ការងារត្រូវធ្វេីក្រោយប្រកាសចូលកាន់តំណែងរបស់ក្រុមប្រឹក្សាឃុំ សង្កាត់
៤. កិច្ចប្រជុំក្រុមប្រឹក្សាឃុំ សង្កាត់
៥. ការរៀបចំផែនការអភិវឌ្ឍន៍ និងកម្មវិធីវិនិយោគបីឆ្នាំរំកិលឃុំ សង្កាត់
៦. ការផ្តល់សេវាសាធារណៈនៅរដ្ឋបាលឃុំ សង្កាត់
៧. កិច្ចការរដ្ឋបាលនៅថ្នាក់ឃុំ សង្កាត់
៨. ការគ្រប់គ្រងបុគ្គលិកនៅរដ្ឋបាលឃុំ សង្កាត់
៩. ការគ្រប់គ្រងហិរញ្ញវត្ថុ និងលទ្ធកម្មនៅរដ្ឋបាលឃុំ សង្កាត់៕
