ថ្ងៃពុធ ៥រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៧ ខែសីហា ឆ្នាំ២០២២
លោក គង់ មិនា អនុប្រធានការិយាល័យកសិ-ឧស្សាហកម្ម និងលោក សឹង លី អនុប្រធានការិយាល័យផ្សព្វផ្សាយកសិកម្ម បានចូលរួមបើកវគ្គបណ្តុះបណ្តាលរំលឹកឡើងវិញអំពីផលិតកម្ម, វិធីសាស្ត្រប្រើប្រាស់ជីថ្នាំប្រកបដោយសុវត្ថិភាព និងការប្រមូលផលចន្ទីតាមលក្ខណៈបច្ចេកទេស។
វគ្គបណ្តុះបណ្តាលនេះចែកចេញជាពីរពេល៖
ពេលព្រឹក៖ កសិករមកពីភូមិជាំស្លា មានអ្នកចូលរួមសរុប ១២នាក់ ស្រី ០៥នាក់ និងពេលរសៀល៖ កសិករមកពីភូមិជីផាត និងភូមិកំលត មានអ្នកចូលរួមសរុបចំនួន ២៨នាក់ ស្រី ១៨នាក់
វគ្គបណ្តុះបណ្តាលនេះធ្វើនៅភូមិជីផាត ឃុំជីផាត ស្រុកថ្មបាំង ខេត្តកោះកុង។
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
