ឯកឧត្តម កាយ សំរួម ប្រធានក្រុមប្រឹក្សាខេត្តកោះកុង និងលោកជំទាវ បានអញ្ជើញប្រារព្ធពិធីបុណ្យកាន់បិណ្ឌ-ភ្ជុំបិណ្ឌទី១២ ព.ស.២៥៦៦ គ.ស.២០២២ នាវត្តអម្ពទិយារាម(ហៅវត្តព្រែកស្វាយ) ភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ដើម្បីទំនុកបម្រុងដល់ព្រះសង្ឃអង្គសាវ័ក ដែលគង់ចាំព្រះវស្សា និងថែរក្សាប្រពៃណីជាតិ ក្នុងព្រះពុទ្ធសាសនា។

ក្នុងកិច្ចប្រារព្ធពិធីបុណ្យកាន់បិណ្ឌទី១២នេះផងដែរ ឯកឧត្តម លោកជំទាវ បានវេរចង្ហាន់ និងទេយ្យវត្ថុ មានបាយ ទឹក នំចំណី គ្រឿងឧបភោគ បរិភោគបច្ច័យកសាងសាលាឆាន់ចំនួន ៨,១៨៧, ០០០រៀល ១០០ដុល្លារ និង ១០០បាត ថ្វាយប្រគេនព្រះសង្ឃ ដើម្បីជាប្រយោជន៍ឧទ្ទិសមហាកុសលផលបុណ្យ ជូនជីដូន ជីតា មាតា បិតា ញាតិការគ្រប់ៗសន្តាន និងជូនដល់វិញ្ញាណក្ខន្ធ នៃបុព្វការីជន អ្នកស្នេហាជាតិមាតុភូមិ ព្រមទាំងវិញាណក្ខន្ធ នៃប្រជាជនកម្ពុជា ដែលបានអនិច្ចកម្មនារបប់៣ឆ្នាំ ៨ខែ និង២០ថ្ងៃ។

ឯកឧត្តម លោកជំទាវ បានប្រគេន និងជូនពរ ដល់ព្រះករុណាព្រះសង្ឃអង្គសាវ័ក លោកតាលោកយាយ និងបងប្អូនប្រជាពុទ្ធបរិស័ទចំណុះជើងវត្ត ទទួលបានព្រះពុទ្ធពរ៤គឺ៖ អាយុ វណ្ណៈ សុខៈ ពលៈ ជានិច្ចនិរន្តរ៍តរៀងទៅ៕

ថ្ងៃព្រហស្បត្តុិ១២រោច ខែភទ្របទ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២២ ខែកញ្ញា ឆ្នាំ២០២២ September 22, 2022