លោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ អមដំណើរ លោក ហាក់ ឡេង អភិបាលរងខេត្ត តំណាងលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង និងលោក ទូ សាវុធ ព្រមទាំងលោកស្រី នាំយកទេយ្យទាន និងបច្ច័យ ចូលរួមបុណ្យកឋិនទានមហាសាមគ្គី ដើម្បីវេរប្រគេនព្រះភិក្ខុសង្ឃ ដែលគង់ចាំព្រះវស្សាអស់ត្រីមាសក្នុងពុទ្ធសីមា វត្តពោធិ៍រង្សី(ហៅវត្តកណ្ដោល)ស្ថិតនៅក្នុងភូមិកណ្ដោល ឃុំកណ្ដោល ស្រុកបូទុមសាគរ ខេត្តកោះកុង។ ក្នុងពិធីប្រារព្ធបុណ្យកឋិនទានមានការអញ្ជើញចូលរួមពី លោក លោកស្រី អាជ្ញាធរស្រុក ឃុំ ភូមិ និងពុទ្ធបរិស័ទជិតឆ្ងាយ ប្រកបដោយទឹកចិត្តសោមនស្សរីករាយក្នុងបុណ្យកុសល។
ប្រភពៈរដ្ឋបាលស្រុកបូទុមសាគរ
====================
ថ្ងៃអាទិត្យ ៦ កើត ខែកត្តិក ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី៣០ ខែតុលា ឆ្នាំ២០២២
ខែតុលា 30, 2022