ដោយមានការចាត់តាំងពីលោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ បានចាត់លោក ខេង គង់ នាយករដ្ឋបាលសាលាស្រុក ដឹកនាំក្រុមការងារស្រុក សហការជាមួយអាជ្ញាធរ ឃុំ និងសប្បុរសជន ដោយមានការអញ្ជើញចូលរួមពីលោកជំទាវ ពិន នង ចុះត្រួតពិនិត្យស្ថានភាពផ្លូវចូលសាលាបឋមសិក្សាស្រែថ្មី ក្រោយពីបានចុះពិនិត្យរួចមក លោកជំទាវ និងសប្បុរសជនបានឯកភាពជួយសាងសង់ជាផ្លូវបេតុងអាមេជូនសាលារៀនតាមស្ថានភាពជាក់ស្ដែងចាប់ពីច្រកចូលរហូតដល់សាលារៀនដែលមានប្រវែង១០០ម៉ែត្រ និងទទឹង៥ម៉ែត្រ។
ត្រូវចំណាយថវិកាប្រហែលជិត១០.០០០ដុល្លារ ក្នុងនោះ
-លោកជំទាវ ពិន នង ឧបត្ថម្ភ ៣.៥០០ដុល្លារ
-លោក មាត់ លី ប្រជាពលរដ្ឋនៅភូមិស្រែថ្មីឧបត្ថម្ភ ១.០០០ដុល្លារ
-លោក ម៉ក់ ម៉ាច នាយកសាលាបឋមស្រែថ្មីឧបត្ថម្ភ ៥០០ដុល្លារ
-លោក កែវ ណារ៉ា ក្រុមប្រឹក្សឃុំថ្មសជួយកាយដីធ្វើតារាងបាល់ទាត់ និងចាក់ដីចូលផ្លូវ
-លោក អិក កួន មេឃុំថ្មស និងសប្បុរសជន ទទួលរ៉ាប់រងថវិកាដែលនៅសល់ សម្រាប់ការងារនេះ។
ប្រភពៈរដ្ឋបាលស្រុកបូទុមសាគរ
====================
ថ្ងៃសុក្រ ២ កើត ខែមិគសិរ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី២៥ ខែវិច្ឆិកា ឆ្នាំ២០២២
ខែវិច្ឆិកា 25, 2022
