លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញចូលរួមប្រជុំស្តីពីបេសកកម្មលើកទី៧ របស់ធនាគារពិភពលោក ដើម្បីគាំទ្រគម្រោង "និរន្តរភាពតំបន់ទេសភាព និងទេសចរណ៍ធម្មជាតិកម្ពុជា" ក្រោមអធិបតីភាព ឯកឧត្តម សៅ សុភាព រដ្ឋលេខាធិការ ក្រសួងបរិស្ថាន និងជាប្រធានអង្អភាពអនុវត្តគម្រោង និងមានការចូលរួមពីរគណប្រតិភូធនាគាពិភពលោក។ កិច្ចប្រជុំនេះរៀបចំក្នុងគោលបំណង ១-ធ្វើទស្សនកិច្ចទៅកាន់ទំបន់ការពារធម្មជាតិស្វែងយល់ពីរការរៀបចំតំបន់គ្រប់គ្រង និងផែនការគ្រប់គ្រង ២-ពិភាក្សាអំពីរគោលដៅអេកូទេសចរណ៍ ដែលត្រូវបានកំណត់អាទិភាព ការរៀបចំចក្ខុវិស័យ និងផែនការវិនិយោគ ៣-ពិនិត្យខ្សែផ្លូវតភ្ជាប់ ដែលបានកំណត់អាទិភាព ដើម្បីជួសជុលកែលម្អ រួមជាមួយនឹងការគិតគូរដលលើការអភិរក្សជីវចម្រុះ ៤-ពិនិត្យ និងឯកភាពផែនការថវិកា និងផែនការលទ្ធកម្មសម្រាប់ឆ្នាំ២០២៣។
នៅមន្ទីរបរិស្ថានខេត្តកោះកុង៕
ថ្ងៃចន្ទ ៥ កើត ខែមិគសិរ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៨ ខែវិច្ឆិកា ឆ្នាំ២០២២ November 28, 2022