នាព្រឹកថ្ងៃព្រហស្បតិ៍ ៤ កើត ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៣ ខែកុម្ភៈ ឆ្នាំ២០២៣ ការិយាល័យសុវត្ថិភាពចរាចរណ៍ នៃមន្ទីរសាធារណការ និងដឹកជញ្ជូនខេត្តកោះកុង បានចូលរួមក្នុងកម្មវិធី ភូមិ ឃុំមានសុវត្ថិភាព ដែលរៀបចំនៅអនុវិទ្យាល័យ ជា សុីម ស្មាច់មានជ័យ មានសមាសភាពអាជ្ញាធរពាក់ព័ន្ធ ចូលរួមសរុបចំនួន ១០នាក់ ប៉ូលិសចរាចរណ៍ក្រុងចំនួន ៣នាក់ ប៉ុស្តិ៍រដ្ឋបាលស្មាច់មានជ័យចំនូន ៣នាក់ អាជ្ញាធរភូមិចំនួន ២នាក់ និងលោកនាយកសាលា លោកគ្រូ អ្នកគ្រូ សិស្សានុសិស្សសរុបចំនួន ២០៦នាក់ (ស្រី ៩៨នាក់)។ បានផ្សព្វផ្សាយច្បាប់ស្តីពី ចរាចរណ៍ផ្លូវគោក ដល់សិស្សានុសិស្សដែលជាអ្នកបើកបរម៉ូតូ និងបានចែកជូននូវឯកសារពាក់ព័ន្ធនឹងច្បាប់ចរាចរណ៍មួយចំនួន ដូចជា:
-សៀវភៅច្បាប់ចរាចរណ៍ផ្លូវគោកចំនួន ១២០ក្បាល
-សៀវភៅអ្វីដែលអ្នកបើកបរទោចក្រយានយន្តត្រូវយល់ដឹងចំនួន ១២០ក្បាល
-ប្រការសំខាន់ៗដែលត្រូវចងចាំចំពោះអ្នកប្រើប្រាស់ផ្លូវចំនួន ៣០០សន្លឹក
-ផ្ទាំងសញ្ញាចរាចរណ៍សំខាន់ៗចំនួន ១០ផ្ទាំង

dpwtkk2023