ថ្ងៃព្រហស្បតិ៍ ១១កើត ខែផល្គុន ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០២ ខែមីនា ឆ្នាំ ២០២៣ វេលាម៉ោង ៨ៈ៣០នាទីព្រឹក លោកស្រី ស៊ិន ចរិយា អភិបាលរង នៃគណៈអភិបាលក្រុងខេមរភូមិន្ទ និងជាអនុប្រធានក្រុមការងារគម្រោងអាហាររូបត្ថម្ភថ្នាក់ក្រុង តំណាងឲ្យលោកអភិបាលក្រុង បានដឹកនាំសមាជិកក្រុមការងារទទួលក្រុមការងារអ្នកចុះវាយតម្លៃ ឯករាជ្យដែលអញ្ជើញមកពី គ ជ អ ប ចុះមកវាយតម្លៃភាពត្រៀមរួចជាស្រេចរបស់កិច្ចការងារអាហាររូបត្ថម្ភថ្នាក់ក្រុង ដែលមានចំនួន៧សូចនាករ ។ ហើយជាលទ្ធផលរដ្ឋបាលក្រុងទទួលបានពិន្ទុនៃការអនុវត្តន៍ការងារបាន១០០% ក្នុងសូចនាករណ៍ទាំង៧នៃភាពត្រៀមរួចជាស្រេច។
#ប្រភពពីរដ្ឋបាលក្រុងខេមរភូមិន្ទ#
