ដោយមានការចាត់តាំងពីរដ្ឋបាលស្រុក ក្រុមការងារស្រុក សហការជាមួយអាជ្ញាធរភូមិ ឃុំ និងប៉ុស្តិ៍រដ្ឋបាលឃុំកណ្ដោល បានចុះពិនិត្យទីតាំងដែលបានឈូសឆាយដីមួយកន្លែង ស្ថិតនៅលើទីតាំងដីសម្រាប់ទុក្ខបែកចែកជូនប្រជាពលរដ្ឋ ស្ថិតនៅក្នុងភូមិតាំកន់ ឃុំកណ្តោល ស្រុកបូទុមសាគរ ខេត្តកោះកុង ដោយជនមិនស្គាល់មុខ។
ក្រុមការងារស្រុក អាជ្ញាធរភូមិឃុំ និងកម្លាំងប៉ុស្ដិ៍រដ្ឋបាលឃុំ បានចុះដល់ទីតាំងជាក់ស្តែង បានពិនិត្យឃើញថា មានការឈូសឆាយដីនិងឈូសបង្គោលដែលក្រុមការងារស្រុក ដែលបានបោះកំណត់ព្រំដីជាឡូតិ៍សម្រាប់បែងចែកជូនប្រជាពលរដ្ឋ តែមានជនមិនស្គាល់អត្តសញ្ញាណបានធ្វើការឈូសឆាយទៅលើទីតាំងនោះអស់មួយចំនួន ចំណែកគ្រឿងចក្របានគេចចេញពីកន្លែងកើតហេតុមុនពេលក្រុមការងារចុះទៅដល់។
រដ្ឋបាលស្រុក និងចាត់ក្រុមការងារដើម្បីស្វែងរកម្ចាស់គ្រឿងចក្រ មក សាកសួ ធ្វើការណែនាំ និងអនុវត្តទៅតាមវិធានរដ្ឋបាល។
ប្រភព:រដ្ឋបាលស្រុកបូទុមសាគរ
-----------------------------------------
ថ្ងៃសុក្រ ១១ រោច ខែផល្គុន ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី១៧ ខែមីនា ឆ្នាំ២០២៣
វេលាម៉ោង ០៤:០០នាទីរសៀល
