ឯកឧត្តម ទេព ធន រដ្ឋលេខាធិការ នៃក្រសួងរៀបចំដែនដី នគរូបនីយកម្ម និងសំណង់ និងជាអគ្គលេខាធិការ នៃអាជ្ញាធរជាតិដោះស្រាយទំនាស់ដីធ្លី និងលោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញដឹកនាំកិច្ចប្រជុំពិភាក្សា ដើម្បីពិនិត្យវឌ្ឍនភាពការងារដោះស្រាយវិវាទដីធ្លី ស្ថិតនៅក្នុងភូមិសាស្ត្រខេត្តកោះកុង។
ដោយផ្តោតសំខាន់ទៅលើ :
១-ពិនិត្យវឌ្ឍនភាព នៃការចេញបណ្ណ និងការកែសម្រួលអត្តសញ្ញាណបណ្ណ សៀវភៅគ្រួសារ និងសៀវភៅស្នាក់នៅរបស់ក្រុមប្រជាពលរដ្ឋ ១៥ គ្រួសារ
២-ពិនិត្យវឌ្ឍនភាព នៃការចេញបណ្ណ និងការបែងចែកដីឡូត៍ជូនក្រុមប្រជាពលរដ្ឋ ៥៨៥ គ្រួសារ
៣-ករណីបណ្តឹងរបស់ក្រុមប្រជាពលរដ្ឋ ៨៤៣ គ្រួសារ និងក្រុមប្រជាពលរដ្ឋ ៣៩១ គ្រួសារ ដែលអះអាងថាមានវិវាទ ជាមួយក្រុមហ៊ុនស្ករអំពៅ
៤-ករណីក្រុមប្រជាពលរដ្ឋ ៧៣០ គ្រួសារ ស្នើសុំដីសម្បទានសង្គមកិច្ច សម្រាប់ធ្វើលំនៅដ្ឋាន និងកសិកម្ម
៥-ករណីវិវាទ ស្ថិតនៅក្នុងតំបន់អភិវឌ្ឍក្រុមហ៊ុន យ៉ូញៀន
៦-បញ្ហាផ្សេងៗ ។
