លោកស្រី យិន សាវ៉ាត អនុប្រធានមន្ទីរ និងមន្ដ្រី ០២រូប បានចូលរួមសិក្ខាសាលាប្រចាំឆ្នាំស្តីពី “ការបញ្ជ្រាបយេនឌ័រ បរិយាប័ន្ន និងសមធម៌សង្គមនៅថ្នាក់ក្រោមជាតិ" ក្រោមអធិបតីភាព លោកជំទាវ គឹម សុីផាត់ រដ្ឋលេខាធិការក្រសួងកិច្ចការនារី តំណាងដ៏ខ្ពង់ខ្ពស់ លោកជំទាវកិត្តិបណ្ឌិត រដ្ឋមន្ត្រី និងមានការចូលរួមពីថ្នាក់ដឹកនាំ និងក្រុមការងារក្រសួងកិច្ចការនារី អគ្គនាយកដ្ឋាន និងនាយកដ្ឋានពាក់ព័ន្ធការផ្ទេរមុខងារ និងថ្នាក់ដឹកនាំមន្ទីរកិច្ចការនារីទាំង២៥រាជធានី-ខេត្ត សរុបចំនួន១០០រូប (ស្ត្រី៧៩រូប) នៅទីស្ដីការក្រសួងកិច្ចការនារី។
សិក្ខាសាលាប្រចាំឆ្នាំនេះ មានគោលបំណង ដើម្បីពិនិត្យស្ថានភាពបច្ចុប្បន្ន (វឌ្ឍនភាព បញ្ហាប្រឈម និងទិសដៅបន្ត) ក្នុងការបញ្ជ្រាបយេនឌ័រ បរិយាប័ន្ន និងសមធម៌សង្គមនៅថ្នាក់ក្រោមជាតិ។
ថ្ងៃអង្គារ ៦កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៥ ខែមេសា ឆ្នាំ២០២៣
#មន្ទីរកិច្ចការនារីខេត្តកោះកុង
