រដ្ឋបាលឃុំកោះស្ដេច
តាមការចាត់តាំងរបស់លោក សាយ ហេង មេឃុំកោះស្ដេច លោក ស៊ន ស្រិញ ជំទប់ទី១ បាននាំយកថវិការបស់រដ្ឋបាលឃុំ និងថវិកាដែលបានកៀគរពីក្រុមប្រឹក្សាឃុំសរុបចំនួន ១,៣០០,០០០រៀល មកប្រគល់ជូនដល់សាលាបឋមសិក្សាហ៊ុនសែនកោះស្ដេច សម្រាប់ប្រេីប្រាស់ក្នុងការសាងសង់រោងដោលដេីម្បីសម្រួលដល់ការខ្វះខាតបន្ទប់រៀនរបស់សាលា ដោយសារតែអគារសិក្សាចាស់ មានសភាពទ្រុឌទ្រោមខ្លាំងមិនអាចបង្រៀនបានតទៅទៀត ស្ថិតនៅភូមិកោះស្ដេច ឃុំកោះស្ដេច ស្រុកគិរីសាគរ ខេត្តកោះកុង។ រដ្ឋបាលឃុំ សូមអំពាវនាវដល់បងប្អូនប្រជាពលរដ្ឋ ក៏ដូចជាសប្បុរសជនទាំងអស់ សូមមេត្តាជួយឧបត្ថម្ភដល់សាលាបឋមសិក្សាហ៊ុនសែនកោះស្ដេច ដេីម្បីយកថវិកាមកសាងសង់រោងដោលប្រេីប្រាស់ជាបន្ទប់សម្រាប់សិស្សានុសិស្សមានបន្ទប់រៀនបណ្ដោះអាសន្ន នៅពេលដែលសាលាមិនទាន់ទទួលបានអគារសិក្សាថ្មី។
ថ្ងៃអង្គារ ១៣កេីត ខែស្រាពណ៍ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២៩ ខែសីហា ឆ្នាំ២០២៣
