ឯកឧត្តម កាយ សំរួម ប្រធានក្រុមប្រឹក្សាខេត្តកោះកុង និងលោកជំទាវ បានអញ្ជើញប្រារព្ធពិធីបុណ្យកាន់បិណ្ឌទី១០ ក្នុងព.ស.២៥៦៧ គ.ស.២០២៣ នាពុទ្ធសីមាវត្តព្រែកស្វាយ ដោយបានប្រារព្ធពិធីបូជាគ្រឿងសក្ការៈថ្វាយព្រះព្រះពុទ្ធរូប នមស្ការថ្វាយបង្គំព្រះរតនត្រ័យ សមាទានសីល និមន្តព្រះសង្ឃចម្រើនព្រះបរិត និងសម្ដែងព្រះធ៌មទេសនា លុះព្រឹកឡើងនិមន្តព្រះសង្ឃសូត្របរាភវសូត្រ ប្រគេនយាគូរដល់ព្រះសង្ឃ និងថ្ងៃត្រង់វេរវារកភត្ត និងទេយ្យទានមានចតុបច្ច័យជាដើម បវរណាប្រគេនព្រះសង្ឃអង្គសាវ័ក ដើម្បីឧទ្ទិសផល្លាអានិសង្ឃ ដែលកើតឡើងពីពុទ្ធបូជា ធម្មបូជា និងសង្ឃបូជា ជូនដល់បុព្វការីជន មានមាតាបិតាជីដូន ជីតា ញាតិការទាំង៧សន្តាន ព្រមទាំងបុព្វការីជនអ្នកស្នេហាជាតិ ដែលបានពលីជីវិតដើម្បីការជាតិមាតុភូមិ សូមបានបដិសន្ធិវិញ្ញាណក្នុងសុគតិភព ។
មួយវិញទៀត សូមផល្លាអានិសង្ឃ នៃបុណ្យកាន់បិណ្ឌនេះ បានជូនដលបងប្អូនកូនក្មួយ អ៊ុំ ពូ មីង យាយតា ប្រជាពលរដ្ឋជួបតែព្រះពុទ្ធពរ៤គឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតទៅជាបការៈដ៏ទៃឡើង៕
ថ្ងៃចន្ទ ១០ រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៩ ខែតុលា ឆ្នាំ២០២៣ October 9, 2023