លោកស្រី គ្រី សោភ័ណ ប្រធានកិត្តិយសអនុសាខាកាកបាទក្រហមកម្ពុជាស្រុកបូទុមសាគរ លោកស្រី អ៉ិន សោភ័ណ្ឌ អនប្រធាន អនុសាខាកាកបាទក្រហមស្រុក តំណាងឱ្យ លោក ក្រូច បូរីសីហា ប្រធានគណៈកម្មាធិការអនុសាខាកាកបាទក្រហមកម្ពុជាស្រុកបូទុមសាគរ បានចុះសួរសុខទុក្ខ ស្រ្តីសម្រាលរួចនៅមណ្ឌលសុខភាពអណ្តូងទឹកចំនួន៣គ្រួសារ ដូចមានរាយនាមខាងក្រោម÷
១. ឈ្មោះ អ៉ីវ គា អាយុ២៩ឆ្នាំ នៅភូមិជីត្រះ ទទួលបានថវិកា ២០០,០០០៛និងទឹកសុទ្ធវីតាល់១កេស
២. ឈ្មោះ ចយ យៀន អាយុ២០ឆ្នាំ នៅភូមិអណ្តូងទឹក ទទួលបានថវិកា ២០០,០០០៛
៣. ឈ្មោះ ហូយ សុខហេង អាយុ១៨ឆ្នាំ នៅភូមិតាមាឃ ទទួលបានថវិកា ១០០,០០០៛
ក្នុងឱកាសនោះ លោកស្រី អ៊ិន សោភ័ណ្ឌ អនុប្រធានអនុសាខាកាកបាទក្រហមកម្ពុជា ស្រុកបូទុមសាគរ បានពាំនាំប្រសាសន៍ផ្តាំផ្ញើសួរសុខទុក្ខរបស់ លោក ក្រូច បូរីសីហា ប្រធានគណៈកម្មាធិការអនុសាខា ក្រោមការដឹកនាំរបស់លោកជំទាវប្រធានសាខាកាកបាទក្រហមខេត្តកោះកុង ជាពិសេសពីសំណាក់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយក ចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ដែលកំពុងជួបការ លំបាកពិសេសចាស់ជរា ស្ត្រីទើបសម្រាល គ្រួសាររស់នៅជាមួយមេរោគអេដស៍ ងាយរងគ្រោះ ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។
ប្រភព:រដ្ឋបាលស្រុកបូទុមសាគរ
================
ថ្ងៃចន្ទ ៩ កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៣ ខែតុលា ឆ្នាំ២០២៣
វេលាម៉ោង ៨:៣០នាទីព្រឹក
