ប៉ុស្តិ៍នគរបាលរដ្ឋបាលឃុំជ្រោយស្វាយ បានធ្វើការផ្សព្វផ្សាយពីគោលនយោបាយភូមិឃុំមានសុវត្ថិភាព ជូនប្រជាពលរដ្ឋ នៅភូមិសារ៉ាយ ឃុំជ្រោយស្វាយ  ដោយមានការចូលរួមពីក្រុមប្រឹក្សាឃុំ មេភូមិ ក្នុងនោះបានផ្សព្វផ្សាយគោលនយោបាយសំខាន់ៗ របស់ភូមិ ឃុំ មានសុវត្ថិភាព ដូចខាងក្រោមៈ

១. ផ្តល់សេវាសាធារណៈ ជាពិសេសសេវារដ្ឋបាលប្រកបដោយគុណភាព និងទទួលបានជំនឿទុកចិត្ត

២. គ្មានបទល្មើស លួច ឆក់ ប្លន់ គ្រឿងញៀនល្បែងស៊ីសងខុសច្បាប់ និងបទល្មើសគ្រប់ប្រភេទ

៣. មានសណ្តាប់ធ្នាប់សាធារណៈល្អ ជាពិសេសគ្មានគ្រោះថ្នាក់ចរចាចរណ៍

៤. គ្មានអំពើអនាចារ គ្មានការជួញដូរមនុស្ស ពិសេសស្ត្រីនិងកុមារ គ្មានអំពើហិង្សា ក្នុងគ្រួសារ និងគ្មានក្មេងទំនើង

៥. ដោះស្រាយវិវាទនៅមូលដ្ឋានក្រៅប្រព័ន្ធតុលាការប្រកបដោយគុណភាព និងប្រសិទ្ធភាព

៦. មានអនាម័យ មានសោភ័ណភាពល្អ និងមានបរិស្ថានល្អ

៧. ឆ្លើយតបបានទាន់ពេលវេលាចំពោះគ្រោះមហន្តរាយ និងរាល់ជំងឺឆ្លងរាតត្បាត កាចសាហាវប្រកបដោយប្រសិទ្ធភាព

ប្រភពៈ ញ៉ាក់ ឆៃយ៉ា