រដ្ឋបាលខេត្តកោះកុង

Koh Kong Provincial Administration
ស្វែងរក

កិច្ចប្រជុំបូកសរុបលទ្ធផលសកម្មភាពការងារប្រចាំឆ្នាំ២០២៣ ​និងទិសដៅបន្តឆ្នាំ២០២៤ របស់សាខា​កាកបាទក្រហមកម្ពុជាខេត្តកោះកុង

សាខា កក្រក ខេត្តកោះកុង៖ នៅរសៀលថ្ងៃសុក្រ ទី ២ ខែកុម្ភៈ ឆ្នាំ ២០២៤ នេះគណៈកម្មាធិការសាខា អនុសាខា ​បានបើកកិច្ចប្រជុំបូកសរុបលទ្ធផលសកម្មភាពការងារប្រចាំឆ្នាំ២០២៣ ​និងទិសដៅបន្តឆ្នាំ២០២៤ របស់សាខា​កាកបាទក្រហមកម្ពុជាខេត្តកោះកុង ក្រោមអធិបតី ភាពឯកឧត្តម លី សារ៉េត អនុប្រធានគណៈកម្មាធីការសាខាកាកបាទក្រហមកម្ពុជា ខេត្តកោះកុង តំណាងដ៏ខ្ពង់ខ្ពស់លោក ជំទាវ មិថុនា ភូថង ប្រធានគណៈកម្មាធិការសាខា ដោយមានការអញ្ជើញចូលរួមពី ឯកឧត្តមអនុប្រធានគណៈកម្មាធិការសាខា ឯកឧត្តម លោកជំទាវ លោក លោកស្រី ជាសមាជិក សមាជិកាគណៈកម្មាធិការសាខា អនុសាខាទាំង៧ ក្រុង/ស្រុក និងក្រុមការងារ​ប្រតិបត្តិ​សាខា សរុបចំនួន ២១នាក់ ដែលប្រព្រឹត្តទៅនៅសាលប្រជុំសាខាកាកបាទក្រហមកម្ពុជា ខេត្តកោះកុង​។​ ដែលមានរបៀបវារៈប្រជុំ​ដូចខាងក្រោម៖
១.សេចក្តីព្រាងរបាយការណ៍ បូកសរុបលទ្ធផលសកម្មភាពការងារឆ្នាំ២០២៣ 
២.បង្ហាញផែនការសកម្មភាព ប្រៀបធៀបផែនការនឹងលទ្ធផលជាក់ស្តែង
៣.ពិនិត្យ ពិភាក្សា លើរបាយការណ៍សកម្មភាព
៤. សេចក្តីព្រាងរបាយការណ៍ចំណូល-ចំណាយ សមតុល្យថវិកា
៥.ពិនិត្យពិភាក្សា ផ្តល់មតិយោបល់លើរបាយការណ៍ហិរញ្ញវត្ថុ
៦.ការបង្ហាញសេចក្តីព្រាងផែនការចំណាយសម្រាប់ឆ្នាំ២០២៤ និងឆមាសទី១
៧.ពិនិត្យពិភាក្សា នឹងអនុម័ត លើផែនការចំណាយឆ្នាំ២០២៤ និងឆមាសទី១
៨.ការងារផ្សេងៗ

ក្រោយកិច្ចពិភាគ្សា អង្គប្រជុំបានកែសម្រួលសកម្មភាពមួយចំនួន និងអនុម័តលើរបាយការណ៍ សកម្មភាព និងរបាយការណ៍ចំណូលចំណាយប្រចាំឆ្នាំ និងអនុម័តលើផែនការឆ្នាំ២០២៤។

នៅក្នុងឱកាសនោះដែរឯកឧត្តម លី សារ៉េត អនុប្រធានគណៈកម្មាធិកា​រ​សាខាបានជម្រុញអោយក្រុមប្រតិបត្តិសាខា អនុសាខាបន្តតាមដាន និងស្រង់ទិន្នន័យប្រជាពលរដ្ឋដែលរងគ្រោះដោយគ្រោះមហន្តរាយនិងត្រៀមសម្ភារសម្រាប់ឆ្លើយតប​អោយមានជាប្រចាំ ដើម្បីជួយដល់ប្រជាពលរដ្ឋងាយរងគ្រោះឱ្យបានទាន់ពេលវេលា ។

អត្ថបទទាក់ទង