ដោយមានការយកចិត្តទុកដាក់ខ្ពស់ពីសំណាក លោកជំទាវ មិថុនា ភូថង ប្រធានគណៈកម្មាធិការសាខា បានចាត់អោយ ក្រុមការងារទទួលបន្ទុកគ្រោះមហន្តរាយ និងសុខភាពសាខា បានសហការជាមួយអនុសាខា កក្រក ស្រុកថ្មបាំង ស្រុកកោះកុង បានដឹកនាំអ្នកស្ម័គ្រចិត្តបន្តចុះធ្វើយុទ្ធនាការផ្សព្វផ្សាយពីវិធីកាត់បន្ថយហានិភ័យពីការឆ្លង ជំងឺកូវីដ-១៩ បានចំនួន១០ភូមិ នៅក្នុងឃុំឬស្សីជ្រុំ ឃុំជំនាប់ ឃុំប្រឡាយ ស្រុកថ្មបាំង និងឃុំជ្រោយប្រស់ ស្រុកកោះកុង ក្រោមជំនួយឧបត្ថម្ភរបស់កាកបាទក្រហមអន្តរជាតិ (ICRC)

ដោយមានការយកចិត្តទុកដាក់ខ្ពស់ពីសំណាក លោកជំទាវ មិថុនា ភូថង ប្រធានគណៈកម្មាធិការសាខា បានចាត់អោយ ក្រុមការងារទទួលបន្ទុកគ្រោះមហន្តរាយ និងសុខភាពសាខា បានសហការជាមួយអនុសាខា កក្រក ស្រុកថ្មបាំង ស្រុកកោះកុង បានដឹកនាំអ្នកស្ម័គ្រចិត្តបន្តចុះធ្វើយុទ្ធនាការផ្សព្វផ្សាយពីវិធីកាត់បន្ថយហានិភ័យពីការឆ្លង ជំងឺកូវីដ-១៩ បានចំនួន១០ភូមិ នៅក្នុងឃុំឬស្សីជ្រុំ ឃុំជំនាប់ ឃុំប្រឡាយ ស្រុកថ្មបាំង និងឃុំជ្រោយប្រស់ ស្រុកកោះកុង ក្រោមជំនួយឧបត្ថម្ភរបស់កាកបាទក្រហមអន្តរជាតិ (ICRC) ។

សកម្មភាពចុះផ្សព្វផ្សាយនោះផងដែរក្រុមការងារ សូមអំពាវនាវ និងលើកបង្ហាញពីរបៀបបង្ការកាត់បន្ថយហានិភ័យពីការឆ្លងជំងឺកូវីដ១៩ (Covid-19) ដល់បងប្អូនប្រជាពលរដ្ឋទាំងអស់ សូមអនុវត្តវិធីដូចខាងក្រោម៖
១. លាងដៃឲ្យបានញឹកញាប់ជាមួយសាប៊ូ និងទឹកស្អាត ឬទឹកអាល់កុលលាងដៃ ឬអាល់កុលហ្សែល
២. ខ្ទប់មាត់ និងច្រមុះ នៅពេលក្អក ឬកណ្តាស់ ដោយប្រេីកែងដៃ ឬក្រដាសអនាម័យ រួចបោះចោលក្នុងធុងសំរាមឲ្យបានត្រឹមត្រូវ
៣. ជៀសវាងប៉ះពាល់ជិតស្និទ្ធជាមួយអ្នកដែលមានគ្រុនក្ដៅ ក្អក ឬផ្ដាសាយ
៤. ជៀសវាងប៉ះពាល់ភ្នែក ច្រមុះ ឬមាត់
៥. បរិភោគអាហារដែលចម្អិនបានឆ្អិនល្អ
៦. ស្វាគមន៍ដោយសំពះ ជំនួសការចាប់ដៃ
សម្រាប់ព័ត៌មានបន្ថែម ឬមានករណីសង្ស័យ សូមទំនាក់ទំនងតាមលេខទូរស័ព្ទ ១១៥ ដោយឥតគិតថ្លៃ ។

ក្រុមការងារបានចុះផ្សព្វផ្សាយចងផ្ទាំងផ្សព្វផ្សាយ ៤ផ្ទាំង បិទ Posterបានចំនួន៣៩សន្លឹក ចែកប័ណ្ណប្រកាសចំនួន១៥៤សន្លឹក ផ្តល់សាប៊ូដុំចំនួន៤៦ដុំ អាល់កុល៥២ដប ម៉ាស់១៩៩សន្លឹក អាវយឺត១៧០អាវ និងចាក់សារអប់រំតាមឃោសនាសព្ទមានៈការកាត់បន្ថយហានិភ័យពីការឆ្លង ជំងឺកូវីឌ១៩ បានចំនួន២៧១ ខ្នងផ្ទះ ដែលមានប្រជាជនសរុបសរុបប្រមាណជា ៩១៨នាក់ ស្រី៥៩២ នាក់ ជនពិការ៤នាក់ ។